我自己都報告番。
10:30 個節揀樓, 我9:40 左右己到。 同老人家睇下模型, 坐一陣, 睇下戰況。
10:15 開始放人入去睇片, 出示邀請信同申請人ID, 入去排排坐, 先入唔會先揀樓, 所以唔洗爭住入, 一定有位坐, 早入唔會有得早D揀咗先。(注意入左睇片房就唔可以再影相, 同埋只可以兩個人入去, 唔理你係長者定工人姐姐, 總之計人頭, 兩個入去, 如果中間要換人就自己同職員了解)
間房除左有播片嘅screen , 仲有好多部電視圍住你響到loop 緊個戰況(則係出售情況, 我就係響依個位睇住佢loop 時轉咗軚)。
主任會叫大家嘅號碼, 好似中學生咁點一次名, 我聽到佢skip 左3-4 個號碼, 應該係已經DQ 左/上期居屋已經買咗。
之後會順住每6個號碼一組去後面順住坐, 一個一個咁輪住入去揀樓, 大約2-3 分鐘叫一個入去。依D坐位嘅正前面會顯示最近10 個出售嘅單位, 有埋買出時間, 則係你會睇住你前面位朋友買左乜。一路睇一路好驚我心水比人買左。
入對去出示番相申請人&長者ID 同揀樓信, 揀完單位會同你confirm 番個單位, 價格, 同埋一個估計嘅印花稅 (360萬大約13萬幾), 不過一切以稅局個價為準, 想confirm 自己打去稅局問。
之後就去隔離間房開支票, 除左你張$41000 本票, 餘額可以用私人支票比, 好好服務, 有埋支票打印機同你打銀碼, 自己只雖要簽名同埋寫番個阿拉伯數字上去。(支票唔一定要係申請人/長者, 親友嘅個人支票都可以)
響依個時候, 老人家已經比人請番出去大堂等, 而我又響整支票個間房到等, 等左大半個鐘輪到我 (非跟號碼先後, 純粹睇下派到你個主任手腳快唔快), 我就要出番去叫埋長者入去一齊見主任整文件。
整完文件出去都已經12點幾。我就送長者去搭車番屋企先。
之後就2:30 番去等拎文件, 同樣非跟號碼先後, 純粹睇下派到你個主任手腳快唔快。最後我係3:40 左右拎到文件離開。
所以, 我結論係揀樓要請一日假, 除非你係9:00 個場啦, 不過預全日你會冇咁趕。 我已經係10:30 個場嘅頭10個, 做完晒都唔係早。
同埋如果同長者一齊去就最好叫多個人一齊去傍住老人家 / 支票文件有問題可以多個人做跑腿。
