收信 > 睇樓(3次機會)> 睇啱,簽約(新邨)及簽遷出通知書(舊邨)> 兩個月交吉(兩邊都要交租),如果要三個月時間交吉,例如裝修問題,叫裝修公司寫留張紙因疫情xxxx ,交比你比舊邨主任,第三個月租喺3倍 > 約舊邨主任上舊屋睇下有乜要拆有乜要還原,佢會報價比你並約交屋日子 > 搬遷 > 最後在交屋日子再約主任上樓,睇完落辦事處比錢交鎖匙
1)第一揀樓中,3個月租金津貼;第二次中,2個月;第三次中1個月(新屋)
2)新屋係咪要裝修,好視乎上手淨乜比你,因為掉遷冇新樓揀,二手通常有裝修(啱唔啱另計、另有清水房可能)
3)新居電線唔一定係明線,又係視乎上手 .... 但自己拉線房署指明只可拉明線
4)搬遷津貼個個case唔同,我自己$10xxx
5)你搵是但一個倒垃圾嘅職員問佢地有冇介紹,你話比佢聽有幾多野要掉要拆,叫佢地開價
6)如果同邨有得搬,其實唔使排大隊,自己邨辦事處可處理
我自己就自己掉大部份家私,冷氣同少部分神樓、床、床褥、雜物、垃圾、冷氣叫倒垃圾姐姐自己拆同幫手掉,佢報價百零二百蚊,我比五舊佢幫我企企理理搞掂
我新屋上手舖晒意大利地磚、電線入晒牆、房署又係咁倚油過天花牆身,廚房同廁所自然係清水房,要求唔高直接可免裝修重用