仲有，兩人搵19k一個月，2-3人開房式蝶翠都供得好辛苦啦。就算起一房二房三房都唔關你事啦。
Jackychan0528 發表於 2020-12-12 18:57:29 原文
申請公屋同住緊公屋的入息要求係唔同的，買得綠置同居屋的都係住緊公屋
都仲未計單人富戶上限64000，2人上限97150
申請時D細路未大個，到出黎做野，閒閒地都多1萬蚊家庭收入，即時有購買力
因為你話白表付出比較多，我先提出綠表係一換一，而白表本身父母好大機會係有樓的情況
當然，亦好多住公屋的都係搵家庭成員去抽白單，從而一開二
白表=/=交緊貴租
如果你話要幫交貴租的，一係租金管制
全香港幾十萬人租緊樓，一年先得2000個屋屋單位，點幫都唔夠數
其實我都登班白表唔抵，只係上面講到就算得綠置超細開放式都會比白單掃哂
要諗下白單係冇得揀硬食豬頭骨，定係安心置業
比你白單買到開放式單位，一係廳冇窗一係房冇窗
到5年後想換樓，但原來只係放到比綠表，每年少4000個白居二買家睇你個單位
如果綠表想買樓，去抽新居屋都好過今期山卡拉的青衣(柴灣除左細，都冇乜大問題)
10年後補地價又貴過私樓，有冇人要你個超開放式單位呢
買樓唔係買菜，要諗下將來發展，包括個人同社區
如果冇諗住結婚生細路的話，開放式都冇所謂
但到時屋企多一個或兩個人的時候，開放式一定唔夠住
所以買樓時就要諗埋換樓問題
一次買樓開支閒閒地都30萬，唔通隔幾年就換一次咩
其實我主要想講
1. 綠表付出唔會少過白表
2. 房屋政策由頭都尾都係政府負全表，小小市民有咩權力改變現象，唔好怪綠表唔買政府D開放式單位
3. 政府帶頭起劏房，賣唔哂就瀨三瀨四
4. 白單硬食開放式豬頭骨，係應該叫政府起一房單位，而唔係叫白單繼續買政府的開放式/超開放式單位
出租公屋或住公屋但係有幾層樓果類犯法行為不作討論
本留言最後由 Jackychan0528 於 2020-12-16 01:14:53 編輯
