我喺柴灣大，又搬咗入小西灣公屋好多年，蝶翠苑其他喺柴灣同小西灣中間，近重建嘅柴灣邨，東行去柴灣有舊屋邨漁灣邨，有個大啲嘅街市，又有政府室內運動場，不過要行過對面馬路；直接向西行有另一個柴灣街市，有埋圖書館喺樓上。柴灣得一間戲院 Cinema City 喺永利中心商場，間戲院幾年前開，都好新，間中我都會去睇早場，幾十蚊張飛，好平。嗰邊仲有似模似樣嘅柴灣公園，地鐵上蓋有新翠商場，嗰便有天橋連接幾個屋邨社區。
另一邊向東行係小西灣，有個靚嘅海旁公園，旁邊喺藍灣半島，入便有藍灣半島商場，有Donki, 百佳，759，日本城，大快活……
佢樓下喺巴士站，幾乎所有出行嘅巴士都經富城閣巴士站，即係蝶翠苑係可以搭晒小西灣嘅巴士線，去港九都方便。
小西灣入便都有酒樓，街市，商場，惠康，政府室內運動場，圖書館，室內泳池，郵政局。
如果唔嫌遠，杏花邨都有個杏花新城商場，嗰度多餐廳，中菜有名苑同潮江春。
其實蝶翠苑斜對面，舊中巴巴士總站個位，將來會起3座私人樓，有傳會喺樓下有商場同巴士站，好似藍灣半島咁，咁我哋將來行街就更方便。本留言最後由 Rose88 於 2021-04-15 23:30:21 編輯

香港01報導，好多新公屋或資助房屋，都藏有晶片，會唔會呢！？各位又點睇？