回應 monyau
請問去柴灣地鉄的綠van班次幾耐一班?
在蝶翠門口有得搭嗎?
謝謝??
2heidi 發表於 2020-11-22 23:37:01 原文
我依家住緊喺小西灣,但係都好少搭港鐵,講唔到等綠Van 要幾耐,閒時都唔會好耐,富景花園係總站。但係若果你係返朝9晚5嘅人,我勸你朝早返工都係行去地鐵站好過,
因為小西灣都已經排晒長龍,幾難嚟到蝶翠苑仲有位,但係喺富城閣嘅巴士站都可以搭指定路線巴士去港鐵站。
若果你係去筲箕灣,北角,杏花邨,銅鑼灣,灣仔,金鍾,中環,上環,紅磡,油麻地,旺角,深水涉,甚至沙田,馬鞍山,將軍澳……搭巴士好過啦!不過都可應預會塞車!
不過,朝早就算你搭788,都好可能無位坐,又係太多人返工排長龍。你若果唔介意行車時間耐啲,蝶翠苑對面嘅巴士總站有780,會行經柴灣各站,再上長命斜,然後喺筲箕灣先上東區走廊天橋,車程起碼耐10分鍾以上。
本留言最後由 Rose88 於 2021-04-16 01:22:20 編輯