回應 oginome
以上全部?咁平嘅!幾耐之前呀?另想問問你全屋只計傢俬用咗幾錢呀?
延禧宮 發表於 2020-08-26 08:16:41 原文
我識個師傅,佢喺大陸做裝修,嚴格嚟講佢係判頭,不過佢樣樣都話自己識做。。。
我係上年九月十月倒收樓,佢嚟度尺,佢帶我去深圳睇傢俬,絕對唔算平,因為根本好多係做香港人生意,佢地用翻香港嘅價嚟比。
所以師傅話只係喺深圳睇吓,然後去廣州睇同去佛山睇磚,好似留咗一晚定兩晚,佛山有個區似乎係做批發,好大地方好似廢墟咁間間啲人都喺度沖茶飲仲寫書法。。。
廣州平好多,阿師傅話呢度佢就熟喇,我見佢同啲人拍晒膊頭咁。。。
後來訂嘢寄嘢師傅搞掂晒,牆磚同砌牆師傅幫我搵香港師傅整,師傅幫我整晒其他所有嘢,另外水喉有啲佢搵另一香港師傅(佢做開啲大型食肆廚房)整,佢話係以前同學,呢個同學好堅,不過佢有嘢做開所以冇時間,有幾晚嚟幫手。
最後我計過所有嘢加埋大概十萬鬆啲,師傅冇計人工,可能佢仲俾咗啲添
,不過因為佢每次只可以嚟一個星期,所以搞咗好耐,其實仲有啲嘢想搵佢度再整一兩個櫃仔,不過依家咁有排都冇得嚟,好彩叫基本上搞掂。