問居民接受到條線最多收幾多錢, 可以係條多項選擇題, 答案個range可以按照
而家觀塘/牛頭角去旺角的車費而定.
例如, 而家24/27收$4.6, 2A收$5.2, 1A/13D/16收緊六蚊多少少,
地鐵收$7, van仔收$8-10, 咁條MC題的選擇就可以係:
A. $5.5或以下 (參考2A, 24收費)
B. $5.5至$6.4 (參考1A/13D/16收費)
C. $6.5至$7.4 (參考地鐵收費)
D. $7.5以上 (參考小巴收費)
而唔係俾居民隨便填個數字上去, 咁已經解決到呢個問題, 可以俾居民知道咩係合理期望.

老實講, 旺角需求最大真係common sense, 全個九龍無乜邊幾度好似旺角咁, 一日到黑都咁多人出入.
我唔係話無需求去黃大仙, 尖沙咀呢d, 但係彩福係公屋, 居民消費能力有限,
斷估去尖沙咀shopping的一定少過旺角同深水步啦下話?

有好多野, even無數據, 都可以用常理推斷到.
黃大仙真係唔一定要靠9號車達成, 有大大條6D, 拉上來/繞經彩福唔會影響任何人,
又可以去到深水步, 又勝唔係好似9號車咁兜, 入埋黃大仙總站轉個圈先出返去,
深水步又唔見得好似旺角咁, 有足夠需求support到條線完全唔兜就出去.
因此拉埋6D上來, 一舉兩得, 已經解決好多問題.

至於你話"居民說最想要有交通服務去觀塘市中心、港島東、旺角尖咀、中上環。"
我唔係太有印象你條問題點set, 不過點解係"港島東 + 中上環"而唔係"銅鑼灣 + 灣仔 + 中上環",
點解深水步, 九龍城同紅磡, 我又真係唔係太明.
最好其實係你俾佢地填multiple choice, 只可以揀三個地點,
咁居民就會認真諗過先填答案, 而唔係異想天開, 個個都剔晒要晒.

點解我地爭取24? 因為我地知道開條全新線難度好高, 但係24本身真係無咩人搭,
搬上山對其他人的影響真係好少. 我地同你一樣, 都唔會完全只諗自己唔諗他人
(呢種態度其實值得支持, 不過我諗呢個世代無咩人咁慷慨), 會顧慮埋對其他人的影響.
但係even話全新線難度好高都好, 直出旺角唔兜路係好基本的目標, 唔可以放棄.

回應 41# fc_pga


    第一，問收費？路線係咩？直出旺角？有承辦商啦咩？有巴士、小巴定其他？唔問都知，有咁平得咁平啦！

    第二，拉6D上彩福，行彩霞道就無左淘大花園既站，行返牛頭角道就要突登係三彩轉個圈。淘大居民咪好似你而家咁問9號，點解要係新蒲崗同黃大仙轉個圈？咁都叫無影響？

    第三，我幾時有話港島東+中上環？因為D人要去港島東返工囉？您問我點解係呢幾個地方？我唔知喎，不過居民係咁答，我咪收集、歸納同分析D數據，之後既結果黎的。

    第四，旺角需求最大係常識，我又唔敢肯定。我只可以話有需求，係咪最大，我就唔敢講！

    最後，我從沒有放棄為居民爭取更多選擇，不過我唔會局限自己係1、2條線，1、2個地點

1. 居民當然有幾平就想幾平, 但係MC題本身就已經可以排除左一D唔合現實既答案.
而去旺角的行法都係得果幾種, 整多條MC題, 問佢地接受到車程幾多分鐘之內都唔係太難吧?

2. 6D如果照樣由牛頭角總站開, 但係先上山, 無錯無左淘大個站, 但係一樣可以去返總站上車,
兩個站咁近, 影響係咪真係咁大? 再唔係, 咪彩福開落牛頭角總站後跟返本來個行法囉.

3. 最好其實係了解埋居民返工地點, 搭車習慣, 而唔只係問最想有車去邊度,
咁咪可以知道我地既需要囉. 仲有, 開通新的公共交通服務, 如果新服務有吸引力的話,
係可以刺激到需求; 例如會多左人出去旺角行街, 假期唔會因為嫌唔方便而足不出戶, 對大家身心都有益處.

4. 不如你睇下成個東九龍, 去旺角的巴士, 小巴服務水平唔係高過晒去其他地區咩? 你會推斷有咩地區需求仲高過旺角?