大家好，我係一個準備來港的新移民，本身2015年係深圳康寧醫院住院兩次後確診躁鬱症，我同阿爸從小相依為命，媽媽係我好細果陣已經離家而去，本身計劃係攞到單程證後，落到來香港同阿爸一起排公屋，跟住打份簡單重複既工，因為我食精神科藥已經食到冇嗮記性，做唔到複雜既工作，點知我爸爸突然過身，拋下我一個人，我係香港無人無物，唔知未來的路點行，希望好心的網友可以幫幫我，指條路我行...因為我已經攞咗單程證，內地戶口已經被取消，所以呢個月攞唔到藥（我每個月都要去康寧醫院攞政府免費藥），我覺得自己血藥濃度已經不夠，落到來香港可能會肇事肇禍，我可否係羅湖管制站預約身份證果時就同d關員講，要佢地幫我打999，直接送我入醫院精神科？跟住我想問下，我係深圳住過兩次院，我知道大概都需要28~40天先可以放出來，但是我出來都冇地方住，我如果單憑身份證收據可以申請綜援嗎？（我冇香港電話卡，亦都冇銀行卡）
希望各位網友畀d建議我，我應該向邊個社福機構求助？好人一生平安，謝謝。
