因為呢個政策係吸引全長者寬敞戶調遷到細單位,所以先俾佢地住左細單位之後終身免租。
我個人係同意的,因為都有唔少舊屋邨400呎以上大單位同和諧式4-6人,甚至三房單位的住戶都是全長者戶,如果吸引到佢地交屋,擠迫戶又多左機會改善環境了,亦幫助到4人家庭派到兩房以上單位的機會。
話說我有次帶兩個家庭到一個公屋單位睇位時,一個係6人家庭經擠迫戶調遷選到Y型41.65平方米單位,另一個係天倫樂調遷4人家庭派同樣Y型41.65平方米公屋。
原來2個本身都係住23平方米的公屋(但唔同邨),兩個都參加過擠迫戶調遷,6人家庭個位就第二次揀到樓,而4人家庭個位就申請左4次擠迫戶調遷,但選樓時只得2-3人單位,所以揀唔到樓。
P.S. 兩個家庭絕大部份家庭成員都係土生土長的香港人。
