回應 #20 忻妹
師姐所言甚是,但我經驗分享一下,擠迫戶調遷並不是大家想像中咁易玩,一來要做資產入息審查,二來要睇樓主現居邊類型單位。由於擠迫戶調遷係睇人均密度,愈低者愈先。
如果樓主住一人單位,都要睇呎吋,由9.1 平方米(即改建一人單位,舊式單位常有)、至18.9平方米都有。
假如樓主一家三口,如果住18.9平方米單人單位,人均6.3平方米,就好難有單位選,而樓主現居9.1平方米的話.人均3.03平方米.有機會成為頭300名選單位,但都只可以選3-4人單位的說。
可見現居單位面積對選樓機會之大。
另外都要睇你同期對手的說,我見唔少一開始係一個阿伯/阿婆住一人單位.一攞左公屋後,立即會一個孝順仔女同佢一家會申請加戶。我聽舊同行講,最經典係一個阿伯住東頭邨改建一人單位,加仔媳婦孫,結果係一家七口,當然就成為當年擠迫戶調遷的頭十位選樓。
再者,樓主住的是房協公屋,我無做過房協公屋,我唔知佢地有無得玩擠迫戶調遷,但房協唔同房署有新公屋.供應量比房署公屋少,而且房協公屋的富戶政策正草擬中, 所以每年交回單位的人數都比房署公屋的少好多,結果樓主即使是擠迫戶都未必咁易有較大的房協公屋俾佢。
結論是:樓主先結婚, 然後抓緊不同機會, 加油!