香港公營房屋討論區
主頁 » 本港基建與民生 » 觀塘市中心重建計劃 » 裕民坊二月底曲終人散
頁尾 帖尾 顯示所有留言 搜索某用戶之留言 回帖 在本分區發新帖 搜索本分區 搜索

裕民坊二月底曲終人散
46年老店結業:最唔捨得係班街坊農曆新年團圓歡樂,可是今年過年後,觀塘裕民坊將曲終人散。隨重建巨輪逼近,裕民坊一眾老店終要離場。印刷店老闆劉太近年要兼賣利是封等幫補,難忘多年前火災燒毀3萬元利是封,今年不少街坊知悉店舖快要結業,都紛紛前來慰問,「46年感情,啲街坊真係好好」。亦有豆品店老夫婦說,熟客都不捨他們結業,唯有打消退休念頭,租用日後的商場舖位繼續經營。
劉太雖年過80歲,但開舖對她來說可謂「工多藝熟」-先推起沉甸甸的鐵捲閘,搬出多個紙箱及多疊利是封,再用3張不同高低的凳仔排成「樓梯」,一個箭步靈巧地掛上各式揮春。早在1973年,劉太丈夫及姐夫以1.4萬元,向「業主」購入此舖,頂手做印刷和圖章,後來劉太頂替丈夫,加上姐夫離世,她就獨力經營至今。近年印刷生意減少,劉太要兼賣利是封和揮春等幫補。

經營46年,劉太見證裕民坊種種變遷。她的舖頭「新華印務」對正觀塘道,位處apm天橋下,她憶述以前此處只是爛空地,「好似好荒涼咁樣,藍田小巴站啲車就喺度泊,好多小販車仔喺度。跟住呢度封咗,小巴改咗去後面,(小販)趕走晒,起apm個樓梯」。不變的,就只有兩旁的小店,「佢哋無轉過手,一齊做咗咁耐」。

劉太說,當年為求有「皇氣」照應,申領了靠牆小販牌,但仍難忘8年前食環署突然無理「抄牌」,「差啲要拉上差館,街坊都有幫口,話唔公平,個個唔拉淨係拉我」。13年前又試過「火燭」,燒毀3萬元利是封,事後又要花2.5萬元重修,「哈哈哈,(損失)都幾多。我一年先入三轉貨,嗰陣啱啱入咗貨。夜晚燒嘅,我到第二朝先知」。

小店捱得過火災,敵不過重建。劉太的店將於下月28日遷出,面對46年老店即將畫上句號,最不捨還是一班街坊,「46年感情,啲街坊好好,成日會嚟關心(我),跌咗嘢會幫你執、有咩又會通知你,隔籬左右都好好,去廁所就幫我睇檔」,又指近日不少街坊知道即將結業,就前來關心和購物。她說,所持的小販牌將轉為兒子姓名,日後搬至對面市集,由兒子經營,「我就退而不休,幫下手囉。好話唔好聽,以後都無乜機會見到」。

同樣下月28日關門的還有擁有20多年歷史的「永興豆漿王」,老闆劉先生說兩夫婦原已打算結業,「唔捨得都無辦法,佢哋(客人)話你哋無得做,都唔知去邊搵咁靚嘅豆腐花食。本來我哋諗住唔做㗎啦,想退休,又驚第日商場貴租做唔住,但太多街坊想我哋繼續做」。

「見啲客開心,我哋就開心,佢哋都食咗好多年。唔係淨係搵錢,同街坊都好有好感(情)」,劉生與太太90年代起已在裕民坊擺街邊檔,笑言是裕民坊小店帶旺觀塘。至97年後向「業主」購入此舖位,「我哋唔係霸」。他指,當時花數十萬元購入舖位,惟市建局今次賠償亦僅數十萬,「依家淨係希望市建局到時畀個合適舖位我哋,繼續服務街坊」。

市建局去年擲1億向第五發展區(裕民坊一帶)的違例構築物作出特別搬遷賠償方案。市建局說,該處有約98個搭建在私人樓宇公用地方的違例構築物,當中85%用戶已接受方案,最遲要在2月28日遷出,截至本月24日已有19個用戶交吉或約定交吉日期,13個用戶將到第二及第三發展區(即凱匯位置),新落成的商場繼續經營業務;其餘不接受方案的用戶,市建局將引用《收回土地條例》收地。
2004-10
分享 分享 讚好人數:0查看名單





觀塘裕民坊2月28日將曲終人散。


劉太的印刷小店將於2月28日結束營業。


劉太自2002年獨力經營新華印務至今。


雖然年過80,但企高和搬貨對劉太來說可謂「工多藝熟」。


劉太的印刷小店對正apm天橋入口,她指以前此處曾為小巴站及有很多小販擺賣。


劉太要兼賣利是封和揮春等幫補印刷生意。
2004-10
分享 分享 讚好人數:0查看名單


花開富貴
分享 分享 讚好人數:0查看名單


新生開始,往下一個目標進發
分享 分享 讚好人數:0查看名單


收地已成定局 以前有天然酒樓 大衛書院 中滙國貨 中國皮鞋 育英學校 重生中學 2B 13A巴士 1A巴士總站曾在裕民坊寶昇戲院外
分享 分享 讚好人數:0查看名單


觀塘交通買野都便利
分享 分享 讚好人數:0查看名單


以前返學時天天由藍田(舊叫咸田)行落觀塘(舊叫官塘)再行上半山,唔怪得而家身體咁好啦! 本留言最後由 hkwo66 於 2021-09-30 17:50:31 編輯
分享 分享 讚好人數:0查看名單

頁首 帖首 在本分區發新帖 曾訪分區
重要提示:為免用戶蒙受損失及為公平起見, 一律嚴禁透露商戶或裝修師傅資料, 違者會被警告, 嚴重者將被禁言甚至禁訪本討論區, 敬請合作。 (詳情) (用戶守則)
抱歉! 你無權回帖。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁

公屋申請速報系統 X
分區表  登記 登錄 頁首 回帖 搜索 頁尾 在本分區發新帖