https://video.appledaily.com.hk/..._news_500_mp4_w.mp4

建華（街市）管理公司近年承包不少領展街市，其管理手法一直為人詬病。近日有網民在翻新後的良景市集，發現一張由建華發出的「商戶警告書」，指摘其中一間食肆在停業休息前，無提前一星期提出申請，因而作出警告。對建華的「鐵腕」管理，網民褒貶不一，有人質疑商戶是自己生意，只要有交租為何不能自由放假，揶揄在良景市集開舖「慘過打工」，但亦有人認為市集做街坊生意為主，一旦店舖隨意休息「會影響到附近住戶生活」。

根據網民拍得的警告書顯示，建華稱商戶須遵守其《商戶守則》，其中第9條指明商戶必須在一星期前提出休息申請並獲批准才可關門休息，認為今次涉事的食肆「鬥一番」是「無故關門停業」，警告會將今次違規存入租務紀錄中及發出警告書，日後再犯就要支付1,500元罰款，甚至會被終止租約，促請商戶要自律。

有網民質疑建華的規定不合理，「做老細就係想幾時開工就開工，唔開工都係自己損失」，但有網民指出商戶在簽訂租約時應該知道有關條款，如有不滿大可「唔好簽」，又稱不少租戶每月都要和業主對分利潤，並不是「交咗租就大晒」。有人則借機揶揄大業主領展，稱「加租仲影響民生啦，領展加租有冇向市民申請？」

記者曾致電「鬥一番」了解，但電話未能接通，良景市集管理處則表示「唔清楚」該店無營業的原因。

網民點睇
金J人：做老細就係想幾時開工就開工，唔開工都係自己損失，你業主收咗錢就冇得理佢開唔開工啦。
司馬仲達：你商場做民生嘢，突然有一日唔開其實會影響到附近住戶生活，需要預先申請有咩唔啱？又唔係話唔畀你休息。
楓葉飄渺：如果大部分攤檔都粒聲唔出，郁啲就休息，知唔知會對街坊做成幾大嘅不便？
弗里曼博士：加租仲影響民生啦，領展加租有冇向市民申請？
月滿軒尼詩：就嚟連『東主有喜，停開一天』都唔得。



由建華管理有限公司發出的「商戶警告書」。