早前接獲在紅磡海濱花園附近工作的外判清潔工友求助，表示康文署去年10月在無諮詢及解釋的情況下，將工友一直賴以休息和儲物的帳篷拆除，令他們要將私人物品如衣物、飯盒等，放在狹窄後巷的空置垃圾車內，好天曬、落雨淋，勞動尊嚴全失，極不人道！令人心酸及憤怒！

事實上，署方原本為工友提供的休息站離工作地點甚遠，對工友而言，一來一回極花時間及力氣，實在是「唔去好過去」。於是，他們在數年前申請在工作地點的臨時保安更亭外，搭建一個帳篷，用作休息及存放個人物品之用，獲得批准。有關申請本來合情合理，現署方突然將帳篷拆除，令工友只能暫借狹窄的保安亭休息，個人物品更是無處擺放，被逼放在垃圾車內。但署方僅稱接到「投訴」所以要拆，不肯多作解釋，令工友極之無奈。

收到求助後，我隨即向康文署投訴，並於今年2月初聯同署方職員前往該處視察。最終，署方承諾改善工友的休息環境，包括在舊帳篷位置安置一個大型儲物箱，供工友放置私人物品。如電力供應情況允許，將來更會在更亭加裝冷氣機，讓工友們在一個合理、受尊重的環境下工作。

最後，我想再強調一句，政府作為本港外判制度下的最大僱主，理應牽頭改善外判工人的工作待遇，而不是帶頭欺壓弱勢。我再次促請勞福局局長羅致光實現承諾，帶領跨局跨部門工作小組改革外判制度、改善工友待遇，還他們應得的勞動尊嚴！

https://www.facebook.com/nwscleungyiuchung/videos/1073796452761685/

【清潔工友的日常之開估：47+12】

話說工友約左小編7:00am跟上山睇收桶。小編懶醒以為6:55am早到好掂b，點知去到佢地已經開咗工，幫我帶路嘅工友A已經上左山。。。原來佢地習慣提早開工，仲快手快腳。

去到山腳，已經見工友A拉緊兩個桶急步落山(睇片)...
編：條路咁斜，你咁跑好危險喎！
工友A: (笑) 唔係點做得晒？

如是者，我跟工友A上山落山3 次後，已經扯晒蝦追唔返佢。每轉來回約20 分鐘，工友A到9:00am終於收晒山上嘅桶，就落山幫工友B手拉大桶。

工友B已經62 歲，身型瘦削，我見佢拉得好吃力。
編：你年紀唔細，咁辛苦頂唔頂得住？
工友B: 仲做到咪做囉，唔做政府養呀？我唔鐘意靠人地。

工友B帶我返站，問我：你估下呢度有幾多個桶？
編：全部係你地今朝收返嚟㗎？
工友B: 細桶47 個，大呢，就12個。。。因為垃圾車9:30am嚟到，我地要趕住收齊返嚟。

因為要趕車，所以工友A要跑上山衝落山，工友B要推超出自己體力嘅桶。仲有一位尼籍女工友，自己一個上山落山。

**不要視而不見，身體力行小提議：

1. 路過見到工友講聲：「辛苦曬，謝謝你
2. 垃圾要包好才掉進垃圾桶
2. 見垃圾桶已滿，去就近另一垃圾桶掉垃圾
3. 確保沒有液體垃圾
4. 減廢，重用，乾淨回收
5. 大件垃圾自己搬去站

後記：小編得後來得知，垃圾車係由另一間公司安排，到站時間則係由佢地同食環擬定。]