你真係大想頭，唔按市價賣同送錢有咩分別？

哈哈, 朋友, 你明白"資助"兩字的意思嗎? 若按市價賣, 去買私樓得啦, 使乜買居屋或六折居。
你意思係想講按市價打折再出售? 咁政府可以提高折扣出售, 咁先幫到市民。市價100萬時打7折賣70萬, 市價500萬時打7折係350萬,
或者你係有錢人, 70萬同350萬對你來講無咩分別。

而且資助房屋出售是要補地價的, 現在折扣越大, 將來補地價越多, 點解你會覺得係送錢??

而且若政府肯平D賣, 絕對有好多其他手段限制戶主轉售獲利(個個都話佢地只求有地方安居, 間屋唔係用來炒家嘛), 只係政府驚隊冧私樓個樓價, 唔夠膽將D資助房屋平賣啫。

老實講, 唔係我大想頭, 係政府唔係真心幫市民解決住屋問題啫。個個拎得出幾百萬來買樓, 一早上左車, 唔駛等今時今日用幾百萬嘅天價買居屋啦。

回應 #42 pc090807

你覺得樓價係高位就唔好買，政府無逼人買，點為知高位？年年都有大把淡友話高位啦。政府角色協助市民上樓，而唔係貼錢增加你的資產，假如政府唔要補地價以100萬賣500萬的樓給你，那你平白資產多左400萬，咁同送錢有咩分別？
至於層樓你覺得值唔值500萬，請返回開頭論點

回應 #42 pc090807
如果你說政府有心幫助，便應該打更高折。咁你想打幾折？打5折到時你又問點解唔打4折，何況7折已經爭崩頭

如果你明白 time value of money 係乜野意思, 你可能就唔會困惑.
如果人人都無BUDGET限制, 人人都可以一炮過FULL PAYMENT, 咁緊係買私樓啦, 但實情唔係咁嘛.
衣家講緊GE係資助你首期, 打個7折賣俾你, 首期付擔少左, 按揭成數高左, 又唔使捱二按貴息.
我反問番你, 會唔會o係出面借貸款 然後去買私樓先? 答案係唔會, 因為出面借錢利息好高.
同樣道理, 政府資助樓就係免你捱貴息, 以及幫助首期預算唔多ge人.

至於有人話7成折扣買7成業權, 我又反問, 如果7成折扣買10成業權. 就等於3成水位俾人炒賣.
首當期衝就係屯門 將軍澳附近ge私樓, 樓會會跌.
如果政府一味做呢種"資助", 以後所有樓都咁賣法, 引發ge就係大批炒家炒賣, 競爭之下有人會炒9成, 再8成, 再7成半.
規模大的話就會影響全港樓市, 要知道香港經濟係由樓價撐起, 到時幾多人身家縮水, 生活苦況又係另一件事.

要知道, 買屋唔係買條菜, 唔係照總價打7折俾你先叫做資助, 買屋可以係長達30年ge投資, 利息上ge優惠, 首期上減免都可以係資助.
有興趣ge可以自己攤開下按揭30年的總本金還款同埋總利息支出
以350萬為例, 8成按揭, 2.15%息
就等於借左280萬, 每個月還10,788, 30年總付出388萬, 其實有108萬係利息

唔會你又話銀行打劫la wor?