|
心情動態：
來自非公營房屋 |
香港車壇臥虎藏龍﹗
 雄哥呢架「戰車」，真係考起黃金寶。旅發局提供相片 前單車世界冠軍黃金寶復出喇！阿寶呢次要面對嘅係一位同樣來香港嘅單車手，聽聞呢位車手人稱雄哥，今年經已65歲。前排阿寶同雄哥會面過，驚覺：「香港車壇臥虎藏龍！」，究竟呢位雄哥係何方神聖？ 是咁的，下月8號舉行嘅香港單車節，阿寶就係呢次單車節嘅大使。主辦機構旅發局就搵嚟隱世高手雄哥同阿寶較量。來自深水埗嘅雄哥本身係一位石油氣送貨員，因為送貨，佢踩車資歷有30年咁耐。雄哥嘅戰車係一架英國造、淨重至少72公斤嘅單車，若果加埋7罐石油氣，總重量可以去到300公斤，絕對唔講得笑。 平時踩開炭纖造、極輕車身單身嘅阿寶，膽粗粗試踩雄哥嘅重型戰車，結果阿寶都要花啲時間先適應到，難怪佢話：「香港車壇臥虎藏龍﹗」。講番單車節，下月8號當日，阿寶會參加30公里組嘅活動，如果大家到想一睹佢嘅風采，可以留意番旅發局網頁！ |
||
|
|
|||
|
心情動態：
來自蘇屋邨 |
小弟見識少，一直以為呢啲車係鳳凰牌添。
 本帖最後由 andycym 於 2017-09-14 09:03:25 編輯
|
||
|
|
|||
歡樂香江
幸運星
