我地唔係原居民，但我太嫲、我嫲嫲、我父母、我同我下一代，五代人都住喺度。

你過嚟時見到，對面好多間好靚嘅洋房，只有四五年樓齡。但收地收到我地為止，偏偏唔駛收佢地。

依度啲原居民姓陳，佢地有門路係度買地起丁屋，再賣出去賺好多錢－－佢地就叫原居民。

問：不介意引述？

歐陽太太：唔介意，事實喺咁。

歐陽先生：政府從未同我地傾搬遷賠償，只係畀左一本佢地沿用嘅指引。我睇過條款，最多只賠六十萬。當年用四五萬買依幅地，可以買到旺角一個單位。

歐陽太太：而家連廁所都買唔到。

就算畀好多錢要我地搬，一千萬二千萬。。。對我地都係損失，我地都拒絕搬走，世界上有啲嘢唔係用錢衡量。

政府真係冇地？私樓啲地邊度嚟？泥頭山又係乜嘢嚟？

元朗有一個好舊嘅屋邨叫元朗邨。政府拆左重建，大部分賣畀地產商起私樓，即係而家嘅「世宙」，得番兩幢公屋（註：朗晴邨）。

政府有心起公屋嘅話一定做到，唔駛等我地幅地，只不過佢地鐘意將地賣畀地產商，話冇地只係呃緊市民。

開頭我都想「犧牲小我，完成大我」，但我睇錯左。政府先諗自己同大財團嘅利益，不斷壓榨小市民。

＊　＊　＊

以上全係已知事實,係偏頗傳媒刪減以便發動"貪得無厭","刁民","為反而反",阻人上樓","政治化".........................等等抹黑工程,為財團發展開路。