【】
貧窮人系列
流動的資產─梁友東牧師
試想想在甚麼時候和地方可以尋見露宿者？
當晚上或夜深時，你走到天橋底、隧道、後巷或公園都能找到他們。因為他們只能在這些公眾地方才能找到容身之所，可是食環署人員又常驅趕清場，令他們擔憂不絶。然而，他們了解到政府人員的行動是為要顧及大都會的市容，所以他們無奈地只能晚行朝拆，天天都拿著家當到處流走。

如果你有留意，幾乎所有香港公用長櫈都加上了三條金屬扶手，美其名是方便使用者，實際是政府欲以此趕絕露宿者。

加拿大的非牟利機構Raincity Housing，反而改造了當地的長櫈，使之日夜兩用。白天，它是一張普通長櫈，晚上椅背其中一層可拉起遮掩長櫈，化身成為露宿者的床鋪。

或許有人會說露宿者霸佔了公共空間，影響民生。我有請星爺來答你：皇上，丐幫有多少弟子，不是由我決定，而是由你決定的！

本帖最後由 folee0001 於 2017-05-06 18:10:08 編輯

露宿者問題聽同講左咁多年，今次都真係頂唔緊。
油麻地電影中心隔離間m記，每晚都會有露宿者長駐，就咁伏台面既有，訓係長凳既都有，有d身邊會放埋自己既日常用品咁。
今日晏晝大概5點左右，本來坐係到食野寫下野，就有個露宿阿婆拎左五大袋野入黎，放左兩袋係其中一台（兩個阿媽同三個細路）客隔離，隔離台既阿叔過左陣就出聲「人地坐緊你就咪擺埋去啦」「都唔係第一次見你架喇夜晚成個訓晒係到到朝早九點都仲係到」。
其中一個阿媽見狀「係囉我地食緊野，食完野就走架喇俾返你坐」。咁個婆婆見俾人話就拎走兩袋野去角落，不過都霸左一張台（fyi當場淨計個corner大概仲有兩三張台冇人坐）。
阿叔：「你乞衣大晒咩，呀經理又唔出聲架喎！」
阿媽：「係啦，人地食緊野拎d野埋黎趕我走咁喎。」
拖地店員：「你走啦，你d野阻到人呀！我去叫經理過黎。」
食客A：「係咁架d訓街既，你趕佢唔掂架最後又會返返黎。」
食客B：「我地消費者黎架仲想放野係到趕我地喎。」
細路A：「（指住阿婆）你走啦！走呀！」（老老實實係個細路搞到我開始激動。目測佢應該讀緊小一二，咁細個就好巴閉咁趕人走，好擔心。）
店員A就叫左經理出黎，經理聽完狀況應該都唔太知點搞好，講左兩句（聽唔到）入返去。
最大聲既阿叔走左之後，食客開始議論紛紛。
「哇之前係xx（地名）見過有個隻腳爛晒既走入黎，就咁訓係到架，冇晒胃口！」
「係架，你一陣趕佢走佢話返你趕客呀！蝦蝦蝦蝦」
其實我都唔知當刻可以點，但去左問阿婆食左野未請佢食再將佢d袋塞埋d廢事惹人閒話，佢仲笑住問我「你耶穌黎架？」我個刻d眼水真係就快頂唔緊。天啊。點解係個社會到做返少少正常人類應做既事好似俾佢當左聖人咁，但忍住，氣勢，氣勢。買完已經拉唔住自己問個幾台人，而家訓街係咪佢想訓、有冇諗過個社會有咩問題（個刻經已震晒諗唔到再到位d既說話），即刻收到回覆「你知咪得囉」「你幫咪幫囉講」。
阿婆同我講佢冇屋企人，冇地方訓，平時都訓公園，呢兩日落雨先走入黎，另加幾十次問我係咪耶穌。咁我都同佢講返作為一個人類唔係為左上天堂先要對人好，同埋d野真係唔好再放係人地到，唔好霸太多位搞到大家都唔高興，真係影響到人講聲唔好意思人地條氣可能都順dd。
同場加映食客ABCD討論我係咪佢親戚呀、佢有咩企圖呀、咩行業呀、博乜呀etc，唔講仲以為自己右上角有個tvb logo俾佢地食飽傾劇情。
我知篇野好似好道德撚（我忍唔住啦），但我想講既野有太多講唔晒，但社會其實仲發生緊大大小小極多問題，我亦都知咁樣一次半次真係幫唔到d乜，但可唔可以唔好加多腳。唔需要你好體諒關懷捐錢定係乜野但係，落井下石或者一味批評話人企道德高地既，都唔見得有幾型。
最後，如果有咩相關野可以幫到手既，麻煩都講一講，真心求教。
2017年5月4日

感謝主，5月6日出隊侍奉，帶了一位露宿者決志，榮耀歸比神!