埃及：貨幣－埃及鎊
去酒吧、餐廳食飯，貼士會包喺張單入面，但係呢啲錢通當只會由店主袋袋平安，所以一般嚟講，要帳單外畀多5%至10%貼士。

以色列：貨幣－新謝克爾
如果貼士唔包響張單度，就要畀10%至15%。如果包埋，就以人頭計，額外每人多畀1新謝克爾。

摩洛哥：貨幣－迪拉姆
貼士通常包響張單度，如果無，10%算得上係好闊綽。如果服務差嘅，唔畀都仲得。

南非：貨幣－南非蘭特
一般會俾10%至15%

巴西：貨幣－巴西雷亞爾
如果無包10%服務費響張單，你大可以睇心情畀，15%算叫幾好。不過記住，千萬唔好畀美金，因為文化問題，當地人會覺得你侮辱梗佢。

哥斯大黎加：貨幣－加科朗
帳單一般會加10%服務費，如果佢冇寫落張單，你當然可以額外畀，但冇話一定要嘅。

中國：貨幣－人民幣
無論你地邊度都唔使畀

印度：貨幣－盧比
張單係唔會有服務費，如果你覺得服務OK，可以俾5%至10%貼士，不過其實呢啲嘢係隨心

日本：貨幣－日圓
畀現金貼士對佢地嚟講根本係一種侮辱，但可以收埋響信封靜雞雞畀個侍應

泰國：貨幣－泰銖
細餐廳理論上唔使畀嘅，不過如果你有額外要求，而佢地又做到嘅，咪少少地人頭計每人畀返1美金佢囉，如果去高級食府嘅5至10%貼士好平常

澳洲：貨幣－澳元
本身唔使畀嘅，但係越來越多美國人去，佢地又鍾意周街畀貼士，所以而家要畀貼士都好平常，5%至10%正常價！

俄羅斯：貨幣－俄羅斯盧布
10%！現金！直接塞入個侍應袋，唔好擺檯面！

西班牙：貨幣－歐元
貼士可以畀好少，佢找番黎嗰啲散子就可以，如果你覺得佢服務好正嘅，以人頭計每人1歐元或者張單嘅7-13%。

法國：貨幣－歐元
貼士張單包嘅，唔使再畀多啲，但如果你覺得過意唔去嘅，單價每20歐元畀1歐元貼士啦。

德國：貨幣－歐元
計法麻煩啲，通常只食一樣嘢嘅，個零頭就係貼士，食大餐嘅，畀多10%，記住畀完貼士要大聲講畀侍應聽。