彭繼茂稱跌倒之後如出現頭顱骨骨折或不省人事,死亡率非常高。他解釋:「唔同嘅腦創傷要接受唔同嘅治療方案,治療係要控制腦壓,時間梗係愈快愈好,否則當流血愈來愈多、或腦震盪愈來愈嚴重,就會導致腦壓上升,令佢有生命危險,因腦壓上升會壓住腦幹,令腦幹死亡。彭認為假若「兩個小時(才送院)嚟講係太耐喇!」
醫學上會以格拉斯哥昏迷指數(Glasgow Coma Scale,簡稱GCS)評估病人昏迷程度,彭繼茂表示簡單分為三部份,一部份觀察傷者「識唔識擘大眼」,第二部份測試「神志清唔清晰,識唔識遵從指示,例如舉高手」,第三部份測試傷者對痛的反應。不過,一般巿民沒有接受專業訓練,故難以判斷傷者昏迷程度,因此建議對嬰孩、老年人、慢性病患者、食薄血藥人士、飲酒人士,一旦跌倒時應立即送院,因會比較安全。
腦神經專科醫生袁孟豪亦認為,「咁嘅年紀就算跌親冇表面傷痕、行動自如,都有機會個腦出現出血問題,所以我建議老人家即時送院檢查。」他指出,醫生會安排傷者接受電腦掃描,看看有否腦出血現象,即使即時沒有不妥,如有懷疑個案,會安排隔一段時間再做第二次電腦掃描,「因為可能係腦膜靜脈出血,滲血速度較慢,當血塊形成若干大細,甚至會有生命危險!」