2016-09-30 00:36:00 HKT

自言不愛演戲的一君，表示當年拍電影是為了看明星。

當年拍攝電影《暴雨驕陽》時，一君正值會考。

雖然於戲中能周旋於童愛玲與盧愛倫之間，但一君指當年的他並不懂享受。

好有鄰家女孩feel嘅婷婷（盧愛倫）呀！

心廣體胖的一君，笑指他的外型予人一種敦厚穩重的感覺，令其生意也好了。

九歲入行當童星的鄧一君，坦言自己不愛演戲，當年入行拍電影，也是為了方便看明星：「你哋睇明星好辛苦，又要係出面等，我值頭係佢隔離幾方便呀！」

雖然偶爾會戲癮發，但一君從沒想過再走演員路，除因前景問題外，他表示不想讓客戶覺得他不夠專業：「戲癮我係會有，但就唔會拍戲喇，拍戲始終時間好長好辛苦，同埋都唔想俾人感覺好唔專注好唔專業。」一君表示當他戲癮發作時，就會跟幾個志同道合的朋友一同拍攝短片來「頂癮」，2010年，他更自編自導了一齣約19分鐘的微電影，放於其社交平台上。 回想當年拍攝點滴，一君表示印象最深刻的是與袁詠儀、任達華合作的電影《暴雨驕陽》。「我仲記得當年考會考，咁啱當時我拍緊《暴雨驕陽》，第二日考中文，我拎住本書喺片場讀，但外面就拍緊鎗戰砰砰啪啪，嘈到根本讀唔到。」一君笑說。

那些年的童愛玲與盧愛倫，一個御姐feel、一個鄰家女孩，兩位都是男生眼中的女神。當年的鄧一君，曾在電影中周旋於二人之間，便令不少男生為之妒忌，但一君卻指他當時並不懂享受這福利：「我比較遲熟，細個都係鍾意睇卡通，好少諗女仔、異性嗰啲嘢，我18、9歲先至拍拖，所以我拍嗰套戲時其實好難拍，因為我都唔知講乜，不過導演好叻，搞到我好似好識做戲，仲提名埋金像獎。」

如今不用於幕前工作，一君身型亦發福了不少，對此他笑謂：「因為依家唔駛出鏡，所以我就冇keep，同埋依家肥咗，畀人個感覺仲敦厚咗穩重咗，生意仲好咗，如果我瘦返，反而似個死0靚仔咁，仲衰呀！」

2016-09-30 00:03:00 HKT

無綫「新五虎」基仔、古仔…

古仔同童星出身嘅鄧一君好friend

二人老友鬼鬼!

可惜鄧一君天生童顏，多數扮戲中主角嘅弟弟，或者主角嘅「後生版」…

哥哥張國榮重情重義，生前好提攜演藝圈嘅後輩，佢曾經講過睇好「雙古一鄧」…究竟「雙古一鄧」係乜水…就係古天樂、古巨基同鄧一君!

鄧一君曾經喺《縱橫四海》演童年版周潤發，於《記得香蕉成熟時》演波仔更為人所知，童星出身嘅鄧一君，9歲就開始拍香港電台嘅教育電視劇，拍《縱橫四海》時，張國榮好欣賞鄧一君，盡力提攜，不過鄧一君天生童顏，多數扮戲中主角嘅弟弟，再唔係就做主角「後生版」，戲路受限制，鄧一君在2005年淡出娛樂圈，轉行做保險。

古天樂古仔出道時不被睇好，可是哥哥喺吳君如主持電台節目中，大讚古天樂外型喺影視方面有前途，有啲似華仔同城城嘅feel。

張國榮唔只喺節目讚古仔，更親自向導演引薦對方。當年哥哥拍《夜半歌聲》搵過古仔，不過當時無綫唔肯放人，最後個角色畀咗大陸演員黃磊主演「韋青」一角。古仔一直等到95年拍劇集《神鵰俠侶》而爆紅，00年後全身投入影圈大紅。

古巨基基仔由記者轉行做新人，哥哥曾讚佢唱歌有啲似阿倫，推薦佢畀音樂人識，又教佢好多嘢。基仔喺張國榮逝世十周年紀念音樂會，唱出《由零開始》，講起自己初出碟，一直好感激哥哥對佢嘅鼓勵。

2016-09-30 10:18:00 HKT

9歲開始拍教育電視。

一拍就拍咗3集《香蕉》系列。

鄧一君嘅成名作，就一定係《記得......香蕉成熟時》。

《記得......香蕉成熟時》

記得……香蕉成熟時Ⅱ初戀情人

《 暴雨驕陽》

轉去大台發展都好多產。（《美味天王》劇照）

《 西關大少》

《 西關大少》

《秦尋記》

之後同唐寧一齊喺《縱橫四海》做童星。

下個月就 40歲生日嘅鄧一君，陪住一代人長大，事關佢9歲就開始幫港台拍教育電視，試過同黎耀祥合作，一做就做咗5年咁多。

之後鄧一君轉到大銀幕發展，第一套戲就演《縱橫四海》「發哥」周潤發嘅細個版，佢嘅表現仲俾哥哥張國榮睇好，同古天樂、古巨基一齊俾佢稱呼為「雙古一鄧」。

細細個就習慣面對鏡頭，又被哥哥點中，鄧一君好快做埋男主角，93年演出《記得……香蕉成熟時》嘅「香蕉仔」楊醒波，呢套戲仲為佢提名過94年金像獎嘅最佳新演員，翌年就添食《記得……香蕉成熟時Ⅱ初戀情人》同之後嘅《記得……香蕉成熟時III為你鍾情》。楊醒波呢嗰個戇直青年嘅形象，由唔識分女仔前後bra扣，到後來試盡愛情甜酸，睇過嘅男人都產生共鳴。

鄧一君仲加入過大台拍劇，唔少都令人印象深刻，好似喺《美味天王》演歐陽震華徒弟林小丁 、喺《烈火雄心》演古天樂嘅智障細佬、《刑事偵緝檔案》系列......等等數之不盡。最大嘅得着就係識到古天樂呢位難兄難分，到今日都仲係咁friend。

見盡娛樂圈，鄧一君喺05年就退出幕前，轉咗做財務策劃師，06年仲結埋婚，同老婆育有一女。兜兜轉轉，08年鄧一君重返大台，但唔係用藝人身份，而係轉到財經節目《創富坊》擔任主持，繼續發揮自己嘅專業。

2016-09-30 10:18:00 HKT

古仔抱着一君女兒鄧頌情合照。

盛傳古天樂是他首名顧客，對此一君表示不便透露。

當年鄧一君拍過不少無綫劇集，人緣不錯，但佢話依家少做圈中人生意，因為唔想應酬。 (《五個醒覺的少年》劇照)

一君指自己的個性不適合做圈中人生意。

05年經一位香港電台的監製介紹下，鄧一君認識了財務策劃這個行業，同年他更由演員轉行當保險，現在他已是一名高級財務策劃師。一直有傳古天樂是他首名顧客，對此一君指不便多說，但他表示現時偶爾仍有跟古仔聯絡：「古仔係我一個好好嘅朋友，轉行前同轉行後佢都好支持我，佢係個好有義氣、好肯幫朋友、關心朋友嘅圈中人。」

問到曾在娛樂圈工作，對其事業可有幫助？一君微笑說：「其實我唔多做圈中人生意，我大部份客戶都唔係圈中，我唔多做圈中人嘅生意，可能係自己性格問題，做圈中人生意有個特質，就係你需要好social，成日出去應酬、埋堆咁，而我就唔係好適合呢類工作。」

2016-09-30 10:18:00 HKT

鄧一君同古仔合作後作為摯友。(資料圖片)

古仔不時會同鄧一君出席活動。(資料圖片)

於《烈火雄心》後戲裏戲外都係好兄弟。(資料圖片)

有指古天樂是首位藝人幫鄧一君買保險，古仔在電影活動上抱住一君囡囡合照。(資料圖片)

鄧一君嘅囡囡Kristen眼大大很標致，跟一君同一餅印。(資料圖片)

童星出身嘅鄧一君就同唐寧一齊拍攝電影《縱橫四海》。(資料圖片)

93年《記得…香蕉成熟時》(劇照)

94年《記得…香蕉成熟時 II初戀情人》(劇照)

古仔同鄧一君、宣萱合作劇集《刑事偵緝檔案IV》。(資料圖片)

鄧一君為劇集《倚天屠龍記》試造型。(資料圖片)

00年《金裝四大才子》(資料圖片)

劇集《五個醒覺的少年》(資料圖片)

鄧一君90年代嘅《記得…香蕉成熟時》，係好多青春期男生嘅集體回憶。劇照

童星出身嘅鄧一君，雖然係05年退出呢個五光十色嘅演藝圈，但每逢講起他，大家就會諗起：「哦！鄧一君，佢同古天樂好friend㗎嘛！」

咁點解鄧一君會同古天樂會成為摯友呢？原因好簡單，亦係好老土嗰隻，就係合作拍劇而成好友囉！

9歲入行拍攝港台節目嘅鄧一君，96年轉投無綫，同剛出道不久嘅古天樂有唔少嘅合作機會。97年佢哋第一部合作嘅劇集係《美味天王》，翌年佢哋再合作《烈火雄心》，當時一君飾演劉海寶，而古仔就係做佢阿哥劉海柏，戲中古仔就悉心照顧智障嘅細佬阿寶，就係咁，佢哋戲裡戲外就成為咗好兄弟喇！

之後佢哋都有好多合作機會，好似《刑事偵緝檔案IV》同《尋秦記》咁！但之後一君就覺得喺娛圈發展唔大，佢曾經接受雜誌專訪講過，唔甘心成世只做人阿仔，宣萱細佬、古天樂細佬同歐陽震華嘅徒弟，毅然咁喺05年退出幕前，轉行做保險，有傳聞古仔仲係佢第一個客仔o添！

2016-09-30 10:18:00 HKT

昔日的香蕉仔鄧一君，現在已是一位財務策劃師。

一君指現時的工作，比以前於娛樂圈更有前景。

他有二十多名下屬。

以前不愛讀書的一君，轉行後再次重回校園，現在已有一個碩士學位。

一君透露盧愛倫現時於投資銀行擔任後勤工作。

一君跟盧愛倫現時還有KEEP住見面。

鎂光燈下的世界五光十色，不少人目眩神往，憧憬成為偶像大紅大紫。網中卻有人體驗過後甘於平凡，寧願轉行mark鐘再起。當初為睇明星入行，後來為前途轉行，耍手兼擰頭不再演戲的，是財務策劃師：鄧一君。

記者：倩宜　攝影：馮峰、Neo、林德雄

由童星演到成年，鄧一君在娛樂圈打滾足足廿幾年，香港電影業的輝煌；港產片的不景氣都見證過。2005年，一君經朋友介紹認識財務策劃這個行業，亦於這年，他決定轉行投身保險業，他說：「05年加入到依家，大概十一年左右，依家嘅職位係分行經理，有自己一個team，大約有十幾個同事。」

在片場成長的一君，坦言兒時不愛讀書，即使拿起書本溫習，也是為應酬父母，而並非發自內心。不過自轉行後，一君的心態亦有所轉變，不僅為工作報讀相關課程，他為了裝備好自己，更攻讀了碩士學位：「我發覺我真係開咗竅，我依家做管理，有啲管理嘅技巧唔夠，咁就自己去進修工商管理，讀咗個master，而最厲害係呢個『CFP認可財務策劃師』，全香港得3、4千個人有。」

當年於電影《記得‥‥‥香蕉成熟時》中，盧愛倫扮演一君的初戀情人，他表示拍畢此片後，跟對方成為了好朋友，現時還會密密會面：「我哋拍完戲之後都keep住係朋友關係，佢依家做緊投資銀行嘅後勤工作。依家大家都有家庭同小朋友，我哋嘅小朋友仲讀埋同一間小學，所以接放學，或者學校活動都會撞到。」