|
心情動態：
來自綠怡雅苑 |
回應 zoeho85 因為其實我朋友係97年個陣買左一間居屋，當年都係貴到飛起，點知第二年就跌市，供樓供左二十幾年個樓價先回番佢買樓個陣嘅價錢，我係度諗嘉順既然係居屋樓王，我都要諗佢同其他居屋屋苑嘅比較，但計落佢除左新之外，其他都係最低分，如果我要買二手居屋，一定想買管理費平嘅維修平嘅屋苑，所以就算顯徑未來可以升值都好，最受益嘅都一定係嘉田同嘉徑，嘉順只會有價無市…而綠怡起係帝堡城隔離，位置其實已經贏晒，根本就係為中產人士而設，就算未來賣樓，一定吸引好多中產人士去買。 樓花期長都係我考慮嘉順嘅一個重要原因，但有一點好緊要，未來兩三年真係好有機會跌市樓市調整(平均經濟市場都係十年一個大調整，1977-1987，1987-1997，1997-2008，2007-？)，即係話我最好再預備幾十萬去抬錢上會，如果有多一年時間俾我地儲多十幾萬確實有好處，何況嘉順入伙一定要多二十萬裝修，所以前後計埋如果要買嘉順即係要係2018年儲到40萬…我無咁多錢呢… 綠怡裝修其實驗樓師已經講左，呢個價錢已經好接近房協起樓嘅成本價，同埋睇番青衣綠悠當年賣樓花個陣又係個個唔買，點知2015年入伙個樓價就即刻升勁多，個個業主都偷笑，加上有綠悠呢個前車，綠怡裝修會更多改進(水喉用銀焊料確保無鉛水)，而且佢個窗係雙層窗，隔音極之好，好過好多私人屋苑，況且佢會所無泳池，管理費一定平過有泳池嘅會所！ |
||
|
|
|||
