香港......
有一次夜晚九點幾,係窩打老道見到一位著住瑩光清潔衣嘅婆婆,無90都起碼85,推住架垃圾車,沿途一路推一路用掃把掃垃圾,瘦猛猛,根本無力掃,我想幫佢,但又唔知點幫好,莫非要掃晒成條街?
一路睇住好心噏,心酸同想喊,同我無親無戚無關係,但我好內疚,因為我無能力幫佢,只能睇住佢辛勞
(唔係唔想幫佢掃,而係驚幫左佢會影響到佢嘅工作,我驚會有人話佢唔係親自做野以後唔比野佢做)
我都好想責問一句政府,點解有需要嘅人咁辛苦,點解長者嘅幫助咁小
清潔公司外判,呢d外判商隨便交人頭數比政府就攞錢,然後隨便用不記名出現糧搵一d人或超老長者返嚟(工作),更無奈我所知嘅係比較後生個d會走精面做一d輕鬆嘅門面功夫,反而長者怕外判商之後唔用佢而落力做,政府唔監察,外判商更加話之你死,總之佢賬面數做得好就可以,咁嘅情況下只能慨嘆一個願打一個願(迫住)捱,但人性何在...社會道德道義何在......靠個班只會擦中央鞋嘅垃圾治港...長者們,請早一d安息,這或許是比較好的解決方法吧
，
