醫管局推《預約通》新 App【預約門診更方便】慳時間必讀 5 件事Hin
三月 8, 2016 15:43
病向淺中醫,唔舒服當然要睇醫生,但輪新症要親身去醫院排期預約,又會花費一日時間。唔想等,咁就要用醫管局剛推出的《預約通》新 app,只要入齊資料就可以作預約,既簡單又方便。
01:有甚麼門診可預約?
現時《預約通》只接受公立專科門診預約新症。留意,只限新症,但一般舊症就會在診症後即時預約,所以影響不大。
02:有甚麼專科類別可供預約?
暫時《預約通》僅得「婦科」可供選擇預約,當中新症並不包括產科,大家要記住啦!政府醫院眾多專科,暫時只限「婦科」可透過《預約通》預約,似乎未夠方便。
03:預約前要準備甚麼資料?
病人應準備身份證明文件 / 出世紙、手機號碼、通信地址、醫生轉介信。而病人要注意,若然醫生轉介信多於 4 頁,即需要親身前住醫院辦理預約。
04:要填寫甚麼資料內容?
病人只需按指示輸入個人資料、選擇診所,再將身份證明文件、通信地址、醫生轉介信藉相機拍攝上傳即可。而申請人完成後,會收到短訊通知,確認有關預約申請便完成。對於老人家而言,用相機拍攝轉介信,可能未必拍到一張清晰相片,後輩可能要幫幫手。
05:哪裡可下載預約通 app?
用戶可按手機版本,點按以下連結下載《預約通》app
【
Android 版預約通 app 下載】
【
iOS 版預約通 app 下載】