【on.cc東網專訊】「啲白鴿都好似唔怕人咁，成日企喺個石壆度屙屎，就算冇禽流感都驚經過嗰陣會中頭獎！」太和邨居民陳小姐指麗和樓對出空地不時有大量野鴿聚集，情況已持續多時，質疑有人非法餵飼引來野鴿長駐，「呢度附近又有快餐店同埋巴士站，平時都多人行過，唔明點解咁耐都冇人理。」
記者多次實地視察，曾目睹有人於太和廣場電梯下方餵飼野鴿，該處為領展管轄範圍。附近空地亦有10至20隻野鴿徘徊不散。由於野鴿為數不少，太和廣場牆身的石壆、麗和樓部分低層單位窗台及垃圾房均成為牠們的聚腳點，地上布滿鴿糞。
屋邨租戶服務辦事處指空地屬法團管理範圍，已要求跟進。太和邨管業處發言人表示，會定期派員巡查，如發現有人餵飼野鳥會即時作出勸喻，同時會定期安排清潔公司清洗及消毒有關位置。為加強提醒住戶及途人切勿餵飼野鳥，已於邨內懸掛橫額及張貼通告。
漁農自然護理署發言人亦稱，過去1年共接獲2宗相關投訴，已派員到上址抽取鳥糞樣本作禽流感測試，所有結果均呈陰性反應。野鳥在民居聚集主要為了覓食，最有效的解決方法是杜絕餵飼活動。而為了有效預防禽流感，該署一直呼籲市民切勿餵飼雀鳥，以及注意個人和環境衞生。
領展發言人則指，商場職員近日視察並無發現有關情況，職員將加強巡查，而該處外圍亦已張貼「請勿餵飼雀鳥」告示。
記者事後發現商場電梯下方已被鐵欄圍封，但野鴿數目未見減少，期間更有野鴿「從天而降」，倒地後奄奄一息。
「漁護署之前都建議過領展喺啲石壆度加番啲膠嘅軟釘，唔會傷害佢哋又可以令佢哋企喺嗰個位冇咁舒服。」當區區議員周炫瑋指野鴿數目亦有上升趨勢，影響附近低層住戶，已就事件與相關部門商討，促領展盡快安裝膠軟釘，並於當眼位置設橫額或海報呼籲市民勿再餵飼野鴿，「其實好多地方都有鴿患問題，但現時都冇咩政策去處理，當然野鴿未去到老鼠嗰種程度，但都有風險喺度，政府可以研究吓點樣控制番佢哋嘅數量。」

好易引發傳染病

可能好心會變做了壞事

thx