【on.cc東網專訊】「本來300幾,今年一加就加90蚊,足足多咗25%!」荔枝角海麗邨停車場的月租電單車泊位租戶顏先生指出,房署將邨內所有的電單車泊位改為固定泊位,由於原本浮動泊位收費較固定泊位收費低,因此泊位月租變相加價25%,遠超房署早前公布的7%加幅,「我哋條邨以前都冇固定電單車泊位,而且泊位嘅需求又唔係大,都唔知點解突然有咁嘅改動,根本係為加價而改!」
上水清河邨露天電單車泊位租戶陳先生亦同樣不滿被大幅加租,陳指去年的泊位月租為270元,但「被固定」後大幅增至340元,加幅同樣達25%。陳更批評加租後停車場的管理一切如常,連「固定車位」上亦未有劃設車牌號碼,認為當局巧立名目加租,「上年都係加10蚊到,今年加成70蚊,但加完租之後啲管理都冇分別,車位地下冇車牌,又冇話畀人知係固定車位,我哋依家完全係任佢劏!」
房署發言人表示,按去年紀錄,其轄下共有118個停車場設有月租電單車泊位,有80個採用固定車位制,其餘38個停車場合共1481個車位採用浮動車位制。
發言人續指,浮動車位制原意是靈活運用時租泊位,以增加月租泊位的供應。在該制度下,租賃人需花費時間尋覓泊位,引致不便,故浮動車位制的月租租戶可享有約15%的折扣優惠。惟近年月租電單車泊位供應一般足夠,故房委會在2016年起於轄下所有月租電單車泊位統一採用固定車位制,並回復正常收費。
「房署新聞稿完全冇提過折扣呢樣嘢,車主亦都畀開之前個價,佢突然改變規則又唔諮詢,根本就係搵藉口大幅加價!」深水埗區議員楊彧表示,自房署提出「固定」方案,已接獲多名電單車泊位租戶反映,批評房署玩弄財技強制大幅加價25%。楊又指無必要改動電單車泊位類型,要求當局恢復浮動電單車泊位,以降低月租收費。
海麗邨停車場電單車泊位已劃上車牌號碼。
顏先生批評房署藉取消浮動泊位,大幅增加月租收費。
荔枝角海麗邨停車場的電單車泊位月租現加至440元。
上水清河邨停車場電單車泊位改為固定泊位,但地下並沒有劃設車牌編號。
上水清河邨停車場的電單車泊位月租現加至340元。
楊彧表示接獲多名海麗邨電單車月租泊位租戶反映,不滿收費大幅增加,要求房署撤回改動。