漢花園池塘長期沒有供水但有大量積水，影響環境衞生之餘，亦易惹蚊患。

【on.cc東網專訊】「本身好靚嘅中式庭園，依家就變到殘殘舊舊！」居於李鄭屋邨的陳先生表示，平日常到漢花園散步，認為近年園內設施的管理質素差強人意，令特色庭園變得黯然失色，「個池塘長期都唔供水，平時落完雨積晒水又唔清理，成個公園都好多蚊滋仔周圍飛，啲石山又畀啲甩晒色嘅膠帶圍住晒，啲樹斬咗又冇種番，搞到好核突！」

陳又指，近年該處遊人稀少，不滿負責管理花園的房屋署未盡其責，「以前個池塘有水又有養魚，環境好好，吸引好多人嚟，有時仲有啲旅行團，睇完古墓就參觀花園。依家唔好話旅行團，連附近街坊都少咗行入嚟！」

記者曾實地了解，發現園內多處石山被膠帶及膠欄圍封，惟部分膠帶已見褪色及脫落，而池塘已不再流水淙淙，只留下大灘積水。另外，園內設有吸煙區，但有人「貪方便」於非吸煙區內吸煙，卻未見有職員巡查及制止。

李鄭屋邨租戶服務辦事處發言人承認，過去2年曾接獲3宗有關公園的查詢，而園內在2013至2015年間共移除了7棵樹木，惟由於移除樹木位置大多環境狹窄或較陰暗，認為不適合再種植樹木。發言人又指，為進行加設圍欄及調節水位的改善工程，該處暫時將池塘的池水放乾，並會派員清理積水以防蚊患，預計工程可於2016至17年度完成，而現時將部分草地及石山圍封是為防止遊人誤踏草地及攀爬石山。

發言人續指，該處已在當眼位置張貼「請勿吸煙」的告示，並會向於指定區域外吸煙的人士發出勸喻。

「設施開始殘舊唔保養，李鄭屋邨賣咗之後，房署喺漢花園嘅管理力度確實弱咗！」當區區議員江貴生指出，漢花園原與李鄭屋邨同屬房署管理，惟隨着李鄭屋邨變為租置邨，漢花園成為房署管理的「遺物」，過往已多次接獲街坊反映漢花園各項管理問題。江認為，長遠應考慮將漢花園撥歸專門負責設計花園及康樂設施的康文署管理，「康文署對於公園嘅諗頭同規劃一定好過房署，而且漢墓博物館嗰邊屬於康文署，係咪可以將附屬嘅漢花園都歸一交畀康文署負責，再決定會唔會重新規劃呢？」


園內多處石山以膠帶及膠欄圍封，部分膠帶卻已見褪色及脫落。


漢花園毗連李鄭屋漢墓及李鄭屋邨，仿漢代庭園風格設計，甚具特色。


記者視察時發現，有人於園內非吸煙區吸煙。


李鄭屋漢墓為法定歷史古蹟，現設有博物館開放予公眾參觀，並由康文署負責管理。


江貴生批評漢花園管理欠善，認為長遠可考慮撥予康文署歸一管理。

     唉……哩類公園真係較少人曉欣賞！小朋友更加入到去茅嘢玩！所以大多輪為老人家天地！