【on.cc東網專訊】「我之前都困喺入面，落到地下部升降機唔郁又唔開門，要撳警鐘隔一陣先開門！」梁先生指沙田廣源邨廣楊樓L3升降機不時會出現故障，自己亦曾身受其害，雖已向管理員反映事件，管理公司亦曾派員檢查及更換零件，惟情況並無改善，「全幢樓6部升降機，但係得呢部可以去到2樓老人院舍，啲老人家就係靠佢上落，壞咗真係好唔方便。」

梁先生稱，升降機故障情況已持續半年，10月下旬亦曾有送貨員往2樓院舍時遇上升降機故障，被困10分鐘，需由消防員救出，「我諗半年內都出現過3、4次呢啲情況，啲人嚟整過好多次，但好似越整越衰咁，成日搭搭吓都會窒一窒，困住唔開門，等幾秒先開。」

房屋署接獲查詢後，轉交予屋邨租戶服務辦事處，辦事處發言人指，廣源邨屬「租者置其屋」計劃下出售屋邨，升降機為公共設施，屬業主立案法團管理範圍，該處已要求管理公司跟進。

有關物業管理公司發言人表示，上述升降機由去年11月至今年10月共發生11次故障，引致服務暫停46小時。而樓宇設計只有1部升降機可到達2樓的老人院舍，但若要加添升降機出口，則要額外費用，而且十分昂貴，故法團暫不考慮。

發言人又指，如發現升降機故障，會即時通知升降機保養商派員修理，一般保養商在接獲通知後可於1小時內到達現場進行維修，倘有乘客被困升降機內，會即時通知消防處派員增援。而升降機故障原因眾多，一般為沙塵阻塞升降機門開關或線路出現故障等。

「1年壞咁多次係唔能夠接受，房署作為大業主之一，有啲都係佢嘅租戶，佢有責任確保返租戶嘅安全同埋可以享用返應有嘅服務。」立法會房屋事務委員會副主席麥美娟批評，同為租置邨業主的房署責無旁貸。麥又表示明白維修費用可能高昂，但升降機經常故障或會危害市民安全，當局有責任督促保養商了解故障原因以作根治。

支持"當局有責任督促保養商了解故障原因以作根治"。