微軟周三推出Windows 10作業系統，Windows 7以上用戶可免費升級。微軟期望，未來兩或三年將會有10億部裝置使用Windows 10。
Windows 10的桌面及工作列設計似曾相識，但變得摩登及新鮮，同時加入了智能手機元素，令Windows 10較過往版本的作業系統更好用。新的行動中心（Action Center）容許用戶得知有誰人電郵過你、尋找應用程式更新、調整螢幕亮度等。
新瀏覽器Edge容許用戶一下點擊滑鼠右鍵，就可以搜尋字詞或地點，毋須另開新的分頁；智能語音助理Cortana提醒用戶何時出門、為你尋找有關電腦的應用程式及有用資訊。
隨著用戶累積的使用時間越長，它就越熟悉你的習慣，甚至向你作出電影、新聞及餐廳的建議；Windows Hello透過用戶面孔或指紋為電腦解鎖，較輸入密碼更方便。
微軟目前並無計劃發展Windows 11，故Windows 10是同一系列作業系統的終結，用戶可透過Windows更新功能持續更新。有意使用的用戶，要把握為期一年的免費升級期限了

我部電腦用W7
但其實都少開電腦了
用電話上網多

x2。甚少開電腦

我手機行緊wp8.1

緊係啦 電話上cyc先方便嘛
C7部長 ……可

升级前注意下面，
一、必須檢查相容性 係必須！
呢點好多人都都知道，但唔係個個都咁重視！ Windows 10 預約程式已經有檢查方案，幫你檢查曬經正常程序安裝既軟件，是否兼容 Windows 10。但要記住呢個只係簡單檢查，免安裝呀，Drivers 更新呀，呢一類野都未必完全保證可以完美兼容 Windows 10。如果你手上部機係主力機，小弟就不會建議你第一水就升級系統，以免出事後就難以補救！而且，如果你決定了要更新系統，記得記得，請先備份重要資料到外置貯存裝置。下面我轉貼左 Windows 10 硬件需求，記住係最低要求，姐係行到但未必可以運行大型軟件，至於軟件是否支援，就要自己去所用既官方網站查看個別軟件是否支援：

系統需求
如果您想將電腦或平板電腦升級至 Windows 10，請採取以下步驟。
最新版作業系統： 請確認您已採用最新版本，可以是 Windows 7 SP1 或 Windows 8.1 更新版。
不清楚您正在採用哪個版本？請於此處查看。
處理器： 1 GHz 或更高速的處理器或 SoC
RAM： 32 位元為 1 GB；64 位元為 2 GB
硬碟空間： 32 位元作業系統為 16 GB；64 位元作業系統為 20 GB
顯示卡： DirectX 9 或更新版本，連 WDDM 1.0 驅動程式
顯示器： 1024x600

升級 Win10 前停一停：被忽略的四大準備功夫
▲ 你見到呢個畫面先好考慮係咪升級 Windows 10，尤其係如果你本身有大量免安裝既軟件，更加要留意係咪唔兼容。


第二、預留充足時間芒住升級
好多人好激動咁就按下「立即安裝」，但其實呢個 Windows 10 升級套件下載容量接近 3GB，下載時間先唔好理會，做系統升級既過程係需要時間架，微軟官方話升級大約需要一個小時，如果比較舊既電腦要更長時間，好似小弟當年升級 8.1 咁搞成兩個幾鐘！ 姐係如果你係早上 8 點收到升級通知，你最好考慮下趕唔趕得到準時返工喇！ 強烈建議你有時間坐定定係電腦前，監察住升級狀況，有咩野發生你都會知道係咩一回事。

升級 Win10 前停一停：被忽略的四大準備功夫


第三、放定一部開住機既相機係隔離
呢一點好重要，絕大部分人都唔會做！ 記住一定要放部相機係隔離，唔係叫你做升級後既 Handson 拍片，而係升級途中如果出現任何錯誤通知、升級失敗、錯誤代碼等畫面，你就要快手攞相機影低佢，咁你先同電腦高手講到野。因為你唔提供資料比高手，哪怕更高既高手都唔知道你部腦發生過咩事，靠你把口講就死得啦！

升級 Win10 前停一停：被忽略的四大準備功夫
▲ 升升下見到呢類畫面，請謹記「港女精神」：咩都唔好做，比相機食先！


第四、香港人壞習慣之唔睇 Readme
電腦野有「Readme」，大部分人可能見過，但我都幾肯定唔會有幾多個人走去睇。其實「Readme」姐係類似說明書既物體，會話你知道究竟你用緊既野有咩需要知，而且通常你覺得佢講廢話，但其實係好有用，睇完可以解決你好多問題！ Windows 10 既「Readme」係邊？ 咪 MS 官方網站囉！ 整到靚一靚，升級前記得入去睇曬資料佢，最起碼都要望下常見問題呀！

Win 10 爆顯示卡驅動災情！ 微軟屈服停自動更新 ( 附下載 )



YKer(ykerho)









Windows 10 早前在 Nvidia 論壇爆發大規模顯示卡驅動災情，原因是 Windows 10 採用了強制性更新，不允許用戶選擇是否更新軟件。這一個舉動就讓 Nvidia 顯示卡的部分型號產生軟件相容性衝突，出現閃屏、畫面出錯、甚至當機！ 由於 Windows 10 採用強制自動更新機制，所以安裝舊版本都無補於事。在大量用戶投訴和施壓下，微軟終於提供一個套間工具，讓用戶可以選擇是否更新軟件，而停用強制自動更新。

Win 10 爆顯示卡驅動災情！ 微軟屈服停自動更新 ( 附下載 )

如果正在使用 Windows 10 的用戶，你又不想要系統自動強制更新的話，請到這裡下載官方的工具：
https://support.microsoft.com/en-us/kb/3073930

按照操作指示安裝並運行有關設定，就會看到下面停用自動更新的選項：
Win 10 爆顯示卡驅動災情！ 微軟屈服停自動更新 ( 附下載 )

Win 10 爆顯示卡驅動災情！ 微軟屈服停自動更新 ( 附下載 )

但微軟表明，Windows 10 將維持強制性更新的模式，也就是說，如果要自主決定是否更新個別套件，就必須下載上述的工具，才能有選擇自主權！未升級 Win 10 既網友不妨 Bookmark 此分享以備不時之需。本帖最後由 我是傻的别怪我 於 2015-07-30 02:12:41 編輯