「有一位喺日本公幹嘅陳先生，點呢首歌畀佢太太，祝佢生日快樂。家請大家收聽周璇唱嘅《花樣的年華》」。憑歌寄意，可能係最老土但又最冧嘅示愛方法，可口可樂繼喺罐、樽印名後，首次推出印有72句歌詞嘅特別版包裝，畀大家「Share A Coke, Share A Song」。
印上歌詞嘅330毫升罐裝、500毫升膠樽裝可口可樂，歌詞分為愛情、友情、親情及勵志嘅主題，包括80年代「為你鍾情 傾我至誠」、90年代「妳的名字 我的姓氏」、以至最新「我的明天創自你」，掃描包裝QR Code仲可聽到首歌。
其他例子，愛情包括「喜歡你那雙眼動人」、「故事平淡但當中有你」；親情有「難離難捨想抱緊些」、「是你多麼溫馨的目光」。或者索性crossover，加埋罐印有名嘅，例如為「Ada」打氣，「懷著樂觀總有轉機」。
