2012年5月單人申請,後來轉家庭申請
足足等左10年
7月首派樂民新村頂樓26.45平方米,本人其實好鍾意呢個地點,除左因為近地鐵外,校網好對我黎講係重點!但由於漏水+個人問題,就選擇放棄..
8月二派依然係樂民新村,依然係26.45平方米,唔係頂樓,景觀還OK,鄰居正常。
原本都有唸過要唔要再Request 3~4人單位(約32平方米),因為自己都有計劃再生多個小朋友,驚唔夠地方住…
但係睇完樓之後過幾日,有係外圍巡視全個樂民新村,發現其實3~4人空置嘅單位,其實好少好少。再加上有打去屋邨辦事處諮詢過, 邨內其實仲有好多戶3人家庭,增加左人口,需要等待調遷3-4人單位,還未計 前面其實有好多舊Number嘅排緊呢個大單位嘅隊…. 房協屋邨係得果15條,俾你揀左3條,仲要房協遷出率咁低,邊度有咁多空置大單位流出…
而且我決定選擇呢個單位嘅重要原因係,我見到宜家市3個情況好慘烈(三順二興一定要硬食一次以上),小朋友又要9月開始番學,要搵學校。
原本我揀嘅屋邨,除左樂民新村,仲有觀龍樓二期同埋乙明邨。但呢兩條邨嘅三人單位基本都俾樂民新村細。所以,我覺得做人知足常樂就好。近地鐵,校網好,已經唔洗涯貴租,對我黎講已經好好,需要感恩
至於26.45平方米,其實對於3人黎講,真係還算及格.. 因為唔可以拎市區舊樓,同新界新樓比。 而且自己計過實際面積,問過裝修師傅嘅意見,其實都可以間到兩間房,住4個人其實無問題.
最後提提大家,房協其實會最後check多次你報嘅資產,收入…所以要計好曬數,先好去面見啊
祝大家早日上樓,安居樂業,也感謝討論區咁多位C兄C姐之前提供嘅寶貴經驗