香港公營房屋討論區
主頁 » 消費情報 » 谷氣經歷 » 有冇街坊叫過呢間野既外賣....
頁尾 帖尾 顯示所有留言 搜索某用戶之留言 回帖 在本分區發新帖 搜索本分區 搜索
1...11
支持鍵盤翻頁
含上傳圖片/文件之留言 只顯示含上傳圖片/文件之留言

有冇街坊叫過呢間野既外賣....
前幾日收到呢間野既外賣紙... 今日就叫黎試下啦,叫左個楊州炒飯,豉椒肉片河同咖喱腸仔魷魚....等左半個鐘,有個呀叔送上黎,得兩盒,話冇咖喱魷魚,咁是但啦,照俾錢,佢一走我即刻開餐啦,一打開,兩盒唔知咩黎既,以為送錯,即刻開門,聽到佢(車立)口講緊電話,即刻叫住佢,唔應,咁我即刻追出去,追到出去冇人,但係架(車立)都未到,個制仲著住燈,再行前D見到防煙門打開左,再追,聽到佢跑緊樓梯既聲,一路叫,一路走,由於我冇著褲既關係,咁我冇追落去,返入屋即打電話俾佢,個女人聽,我話你送錯野,兩盒唔知咩黎,佢話我問下先,cut我線,過一陣我再打,佢話冇送錯,我話我叫果兩樣唔係呢D,佢話係,冇錯,你係叫楊州炒飯同豉椒肉片河,河粉賣晒,所以俾左個咖喱海鮮炒飯你,我話咁楊州炒飯呢,佢話有盒咪係囉,我話果兩盒根本唔知咩黎,你叫佢上黎拎返走,佢話我打俾佢問佢走左未先,,過多一陣我再打去問佢,佢話師父走左,一陣送開外賣既先再俾返錢你,我話ok....俾一個鐘時間你,過左半個鐘佢又打俾我話我驚你肚餓,不如你食住先,我一陣送返盒河粉俾你,唔收你錢啦,我話唔駛喇,我係唔會食你果兩盒垃圾既,你俾返錢我拎返兩盒野走得架喇.....收線...之後隔左好耐都冇人上黎,我再打電話俾佢,唔聽...另一個電話,都唔聽....仲飛條線去手提,熄機.....隔左一陣可能因為仲要做生意所以開返機,不過一樣唔聽我電話...我心諗,你呃我55蚊我冇所謂,因為你唔會呃到我第二次,我唔知今日有冇其他街坊同我一樣奶左野,但係我一定唔會俾佢再呃人,於是我決定不停打佢電話,今日,聽日,仲有後日都係,因為我實在太得閒喇,同埋我係唔會咁易放過呢D人既...同埋要將佢既惡行公諸於世,免得再有人俾佢呃,同埋順手postD相俾大家欣賞下....
抱歉! 你無權閱覽或下載此留言的上傳圖片或文件。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁。
分享 分享 讚好人數:4查看名單


terrible!!!!!!
邊間呀?????
咖喱海鮮炒飯??????? 係咪咖喱魚蛋炒飯??????
分享 分享 讚好人數:0查看名單


post左張外賣紙啦,如果你都係住呢度應該都有收到架
分享 分享 讚好人數:0查看名單


你呢个情况唔係第一個, 之前幾單野上過報, 但唔同餐廳名
你睇張單既名係無確實地址既, 即使有,都係假既,

其實呢D所謂餐廳,係公屋住戶,自己煮既, 扮係餐廳,實際係無牌外賣,無責任既人自己係屋企煮

無監管,衛生情況可想而知,

知外賣佬走得咁快, 一定係同黨,如果唔係一早知身有屎,唔會走後門
分享 分享 讚好人數:3查看名單



咁都要$55.....  
連杯檸水都係得半片勁薄檸檬片
成個餐跟本就係"廚餘"
巴打應該打去食環署CHECK佢有冇牌
分享 分享 讚好人數:0查看名單


回應 5# lung0916


    好明顯係冇啦....我呢幾日會係咁打俾佢,等佢做唔到生意,呃唔到人....
分享 分享 讚好人數:2查看名單


回應 4# lwk2468


    自己煮唔係一個問題,私房菜都係咁啦,但都唔係咁離諳呀,扮明係呢人啦,呢D野,唔駛錢俾我都唔食,更何況仲係要錢,明呃人......
分享 分享 讚好人數:0查看名單


大家注意!唔好隨便打電話叫外賣.
寶劍鋒從磨礪出
梅花香自苦寒來
一勤天下無難事
全民護港憑良知
分享 分享 讚好人數:0查看名單


家下D騙徒真係層出不窮....連叫外賣都可以俾人呃....
分享 分享 讚好人數:1查看名單


佢諗住每戶人家呃一次,呃晒就另起爐灶?
祝未上樓朋友早日上心水樓;祝已上樓朋友安居樂業!
如果大家有任何疑問或分享, 建議大家在適當分區建立帖子。
分享 分享 讚好人數:1查看名單

頁首 帖首 在本分區發新帖 曾訪分區
1...11
支持鍵盤翻頁
重要提示:為免用戶蒙受損失及為公平起見, 一律嚴禁透露商戶或裝修師傅資料, 違者會被警告, 嚴重者將被禁言甚至禁訪本討論區, 敬請合作。 (詳情) (用戶守則)
抱歉! 你無權回帖。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁

請按此瀏覽"重點帖子"! X
分區表  登記 登錄 頁首 回帖 搜索 頁尾 在本分區發新帖