牆身不必剷底
新居屋單位原裝乳膠漆要唔要得？使唔使剷底重髹？詹sir認為，可以不用剷底，在現有牆身髹一層新油都可以。詹sir指出，然而坊間不少裝修佬為求賺得更多，會耍手段，令業主覺得要剷底重髹。他稱：「過往好多做裝修，唔係好想就咁髹一層新油，因為賺得錢少。有時佢會做一樣好差嘅嘢，專登搵一樣唔相食(不配合)嘅新油影響舊油，髹落去，令油漆唔相食，令業主選擇剷底重髹。呢個唔係技術上嘅問題，而是商業上的行為。」他建議，業主可向房委會查詢，目前單位使用甚麼牌子乳膠漆，只要選用相同牌子，就可以直接髹油。
其實剷底唔剷底，價錢可以幾遠？詹sir舉例，一個實用400多方呎，兩房單位，聘用油漆師傅全屋牆身剷底重髹，私樓約2至3萬元，居屋約1至2萬元。如果不剷底，在牆面髹上一層油漆，不用1萬元，足足平逾六成。詹sir補充，如果業主想慳錢，一家人自己髹油，只不過花兩三千元買油而已。本留言最後由 winwin332 於 2020-07-12 12:36:02 編輯
