我娘家係石籬, 依家住係東涌, 試下分享一下:
石秀真係好舊, 最少三十年, 附近其實配套唔多, 商場要行十分鐘左右落去街市附近, 交通有31M去葵芳MTR同86M小巴出荃灣, 車密同方便, 但沙田小巴聽聞係沙田成日上唔到, 去瑪嘉烈架小巴仲時時唔見人(我以前住已經係咁).... 不過如果你活動範圍係荃灣同九龍(特別係荔長深), 三層LIFT下面有巴士小巴, 點都方便過東涌...同埋車費一定平過東涌好多.
東涌我個人覺得迎東比滿東方便, 因為近公路口, 出去市區較快, 公屋黎講一定比石秀新同大好多, 如果滿東, 交通主要靠巴士駁去MTR, 如果活動範圍係東涌線或香港站附近都方便, 區內都有好多巴士線往港九新界各區, 呢一點比石籬好, 但注意車費貴同時間會長, 特別如果要係青馬轉車有機會等十幾分鐘....
所以我覺得睇你同家人的活動範圍, 無論如何小心選擇, 始終長住, 唔啱心水住得唔開心就唔好.
祝你搵到啱心水住址.