偏激?
你係講緊我指證返你22390呢樣? <---咁係你引用錯左呀嘛, 咁都係我錯?
定係講緊個人入息中位數1.5萬呢樣? 呢樣已經係一個客觀指標, 我搵唔到綠表及白表入息中位數資料, 只能用個人入息中位數黎討論, 而且呢一樣仲要係你早前提出黎叫我地參考, 點解你而家又要推翻? 唔通你覺得個人入息中位數以下就一定要係綠表, 中位數以上就係白表咁先叫做唔偏激

難道你覺得你講白表個個月搵3，5，7萬係度日吠夜吠呢D毫無根據說話就唔係偏激?
請問我有邊一句係苦苦相逼? 我有無講過叫你地 "唔好同我爭居屋啦, 知無" 呢類說話
相反你成日娥我地買唔起私樓就去排公屋唔好同你爭居屋, 呢D算唔算苦苦相逼

首置盤點解我唔評論, 大佬...關我同你咩事啫, 我同你都買唔起, 有乜野好講?
咁都要花時間講咁麻煩你講埋愛完美呀海之戀呀, 塊地比左佢地都係無左一堆公屋居屋
因為減少/增加一千個首罝盤而增加/減少一千個居屋, 我相信同你都係一齊贊成同反對, 呢一點大家都坐埋同一條船, 有乜野好抝? 幫佢地計到儲幾錢關我同你討論綠表白表買居屋有乜野意義?

你其中一個問題係成日都假定白表就一定搵得多過綠表, 成日都搵你地最差果班黎同我地最好果班比, 我地白表最差果班比唔起租要訓街而綠表最差最多無飯開, 而我地白表最好果班就肯肯定無你地綠表最好果班好 (3人白表入息上限52,000資產上限170萬 VS 3人公屋入息上限111,950 資產上限 224萬), 你係咪想我同你一樣搵最差果班白表一齊講, 白表係無收入下限的, 出面一個執紙皮為生GE人只要唔係住公屋無私樓都可以係白表資格, 3人收入22390以下未排到公屋GE又係白表資格, 如果我拎埋出黎講你仲覺得公唔公平?

既然你講你入息係2萬, 咁不如我同你比一比較
你家庭月入2萬,我家庭月入3萬
你公屋租金假設係2千, 我租金萬五, 簡單D我當我租金係萬二
你每月可用18000, 我每月一樣係可用18000
請問, 你買唔買得起私樓? 如果你都買唔起私樓, 咁點解你又覺得我買得起私樓?


令我反感唔係綠表而係你, 不過雖然係咁, 但我都由心咁希望你諗清楚計清楚度清楚, 月入2萬買居屋唔係易事, 生活一有咩突發事起上黎就好容易無彎可轉, 不過呢個係你個人選擇, 呢D說話絕無冒犯之意, 啱聽就聽, 唔啱聽可不理