重推租置?得。
一係拎番間屋出黎排過。一係一口價10萬蚊一尺計囉,重要唔俾按wor.
已經住緊,重想拎著數,...
空白 發表於 2017-11-04 16:57:31 原文
其實點解你會覺得係有著數, 正如你所講, 個班人而家已經住緊, 買唔買對佢地來講基本上無分別。而係新富戶政策下, 超過資產或收入個批, 基本上已搬走。而唔駛搬走個批, 即使家中長者百年歸老, 相信佢地都可繼續居住公屋, 到左舊公屋要重建, 政府重要安置佢地, 免費有新公屋住
, 相反你班友上當買左間公屋, 到時維修雜費全部自己負責, 變成危樓後更是閣下自理, 無錢買新樓就要好似你咁講, 重新去排公屋。除非將來政府可以做到, 無論咩情況下公屋都無得世襲, 咁就另當別論。
另外我唔知閣下係咪排緊公屋, 所以講得咁正義, 若係的話, 我希望閣下排到公屋後可不忘初心, 搬入後就克勤克儉努力儲錢, 有能力之後就快快交反間屋出來。千奇唔好變成另一個自己口中所講, 住緊仲想攞著數嘅人。
本帖最後由 pc090807 於 2017-11-04 21:22:02 編輯