cwc (cwc)當前離線 X
鑽級用戶
心情動態:
來自彩德邨
【明報專訊】政府近期落力hard sell高鐵一地兩檢嘅好處,之前喺政府新聞處facebook上載圖片,話坐高鐵由香港去廣州,喺唔停中途站下車程只需48分鐘,但坐飛機就要60分鐘,而且仲要提早一兩個鐘到機場,被唔少網民批評誇大失實。原來機管局喺2011年力推目前造價高達1415億元嘅第三條跑道項目時,就曾引用顧問研究,證明坐飛機去內地大部分城市都比高鐵快,當中更話如果到北京、重慶、成都等大城市,高鐵對比飛機完全「無競爭力」。
政府於上周二公布一地兩檢方案後,近日係咁打民意戰,力銷高鐵嘅交通同經濟效益,港鐵主席馬時亨日前亦話如果高鐵有一地兩檢,佢去北京嘅話「一定會乘搭高鐵,不會乘搭飛機」。
新民主同盟區議員譚凱邦噚日就搵番2011年機管局力推第三跑工程上馬時嘅諮詢文件,當時機管局引用顧問公司同運房局數據,比較咗香港前往16個內地城市嘅車程,當中證實咗10個城市係坐飛機比高鐵快,文件仲列明其中5個城市,包括北京、重慶、成都、西安同昆明,對比飛機「高鐵無競爭力」。至於坐高鐵快過飛機嘅城市就有汕頭、長沙、南京、廈門等。
譚凱邦批評政府離譜,「機管局推銷三跑時,就話長途高鐵冇競爭力;而林鄭7月9日參觀石崗高鐵停泊處時,就話搭高鐵去上海、北京好方便,咁邊個先岩(啱)?」
鄧aunti (鄧aunti)當前離線 X
超級用戶
來自牛頭角上邨
過主啦 (傻D5傻D)當前離線 X
神級用戶
來自非公營房屋
william510 當前離線 X
頂級用戶
來自碩門邨