今日終於收到鎖匙, 搞咗兩個鐘左右, 流程係先去到商場再上二樓平台, 直行見到一個好簡陋單位, 睇間格以係幼稚園, 入去登記後比張流程圖跟住去你自己去搵個楝樓,到步保安會同你登記後上去開門, 初步睇過無問題返去之前個單位, 職員問你要唔要, 要就畀一份18張資料你去另一間房填, 基本都係寫返單位簽名同日期, 申請水電煤, 有唔明房內有職員可以問, 填好同職員講就叫你去另一間房等叫冧把(係流程圖程上), 到你就去見另一位職員核對申請時資料, 跟住又係簽名, 最後會畀一本灰色A5大細file你, 裡面有房屋資料,裝修資料,同損壞情況報告表(你有七日時間檢查間屋), 再去另一間房等, 之後有職員叫你跟住白色箭咀去繳費處(係商場內)分別交租, 交泥頭費同辦租約, 搞掂哂就拎鎖匙共八條(1-2人), 整個程序完哂, 記緊要返上去鎖門, 因為無人同你鎖, 最後恭喜你成為皇后山邨居民!全個過程要自己跟指示搵地方, 大部份時間都留喺好簡陋單位內等, 同鐵閘大門鎖匙竟然仲係牙匙, 真落後。我單位個景遠望深圳一睇就鍾意, 最正係向南果邊, 簡直係無敵靚境!