香港公營房屋討論區 文字版

楊管 發表於 2020-07-05 09:59:38

實測"煥然懿居"App報全屋62項瑕疵 業主爆粗

[url]https://drive.google.com/file/d/1XG8mycrdia_kAsnAOXA39-LLsIgWw9ui[/url]

市建局煥然懿居業主Edmond收樓後獲悉需要透過App報瑕疵就愁眉苦臉,「以為容易用,點不知幾煩,入唔同資料,又要影唔同嘅相」,如果只能用App不能手寫,他爆粗「X那星」。《蘋果驗樓》邀請驗樓師陳智康「康仔」實測此App報瑕疵,康仔話想批評這方法好耐,因為麻煩、費時、不齊全,結果全屋62處瑕疵,單是開始登入到報4項瑕疵,已花去半小時。總結一個字:「廢」。

Edmond以約590萬元(62折)買入煥然懿居一個實用486方呎的兩房單位,由康仔驗收,結果全屋7成玻璃分別因為崩、刮花、雜質、氣泡等而需要更換,分佈地板及廚廁牆身的瓷磚因為崩、色差、掃口窿等而需要修補或更換,露台牆身更有16塊空心磚,令鋪磚及窗這兩項工種零分,全屋總共62項瑕疵,最後得分72分。

驗完樓,康仔隨即實測市建局提供給業主的App報瑕疵。該App名為「SnagR Home」,掃過QR Code登入指定戶口。然而使用平板電腦或手機掃code都出現彈App情況,彈出彈入至少2次,隨後不知怎的,符碌登入並綁定手機。程式提供預約收樓、查看修繕、單位交收表、質量檢測表格等功能,選擇質量檢測表格後,可以提交修繕項目,即是報瑕疵。問題來了……
缺點一:瑕疵選項不齊全

康仔指,單位露台趟門玻璃出現雜質、崩、刮花,需要更換,趟門膠邊過短導致日後打風有機會滲水。而此App在選擇修繕類型為「露台門」後,修繕項目只有3項選擇,包括「其他」、「虛位」、「欠清潔」,沒有玻璃崩、雜質、膠邊短等選項,故只能選擇「其他」,然後於描述一欄再打字列出實際情況,「『其他』即係自己打囉,死啦!趟門呢度至少7、8張紙仔,即係要我自己打晒,咁不如我寫啦,使鬼用佢個App呀!」

除了露台,浴室牆身瓷磚有崩、掃口有窿仔等瑕疵,但選擇「牆身磚」後只有2個選項,分別是「損壞/裂紋」及「其他」,康仔認為:「如果揀『損壞/裂紋』係包含唔晒問題,而家係牆身磚掃口有窿仔又有崩,同埋唔係裂紋喎,點都係揀『其他』。(又其他?)乜都『其他』,咁點解我唔手寫!」
缺點二:影相影到手軟

描述瑕疵後,可以選擇上載圖片,當然可以不上載,但不上載圖片,又未必明確標示到位置。以浴室牆身瓷磚瑕疵為例,一幅企缸的相片,只能展示3個瑕疵位置,然而廁所有8個瑕疵位;除了企缸,還有窗邊外牆磚掃口有孔、門右邊地磚有迹、門封口線大細邊、窗頂外防水膠有孔、坐廁鬆等等,屈指一算,最少需要影多6張相。試想想單是浴室已如此,還有客廳、飯廳、廚房、主人房及細房,而每房有天花、地板、牆身、窗、門等等,究竟要影幾多張相?師承詹濟南的康仔都來幽一默:「可能發展商當業主係攝影師!」

缺點三:難以準確表達

康仔指,主人房工作平台趟門門邊漏光,即有漏水風險,「咁呢個瑕疵應該點報?攝住塊鐵片影相報?」看相的人卻未必能意會,甚至可能覺得有舊鐵頂住個門框。而主人房外望自己單位廁所外牆喉管有窿位,需要修補,但要有較好相機才可以把問題拍攝。康仔認為:「所以話文字咪好過圖片,用手寫交代,最少可以寫門框唔貼或漏風。」

缺點四:浪費大量時間

現場實測,由登入到填好4個瑕疵已花去30分鐘,康仔覺得:「呢個App真係廢得好緊要,半個鐘先入到4個瑕疵,我手寫都寫到啦……入App仲慢過自己手寫,有冇可能呀!我諗呢個App係方便發展商,實際係麻煩個業主。」簡單而言,用一個字總結:「廢」。

業主Edmond睇住康仔實測,他表示:「本身睇呢個App以為好易用,點不知幾煩,原來入唔同資料,又要影唔同相,我係咪自己可以處理到呢個App去報瑕疵呢?單位幾多唔同瑕疵,唔係我想像中私樓質素,咁多問題一齊報,非常頭暈!(如果只能用App報瑕疵?)咁即係X那星喇!真係好嬲,如果瑕疵係一定要用App去報嘅話,我感覺係發展商做同唔做都得啦。如果用咁嘅形式報瑕疵,真係好嬲囉!」

他怒斥:「如果要用幾個鐘頭去報自己間屋可能幾十個瑕疵,根本就係浪費我嘅人生去做一啲無謂嘅嘢。講真,錯嘅唔係我,我畀嚿錢出嚟買呢個單位,然後話畀我聽係有問題,咁我仲要話返你聽邊度有問題而浪費我人生幾個鐘頭,我嘅時間就真係唔係浪費喺呢度囉。」最終Edmond放棄用App報瑕疵,選擇印出報告交去管理處。他說,管理處人員收到報告後,都是透過App提交相關需要修繕項目。

市建局回應,為了讓首次置業業主可更易理解和順利完成單位的交付手續,特意優化程序,包括因應首次置業業主大多是年輕一族,習慣使用流動通訊程式(App),因而推出應用程式輔助收樓和提交需要跟進修繕的事項,以便物業管理公司及工程承建商能即時處理,並適時向業主跟進和匯報情況,增加修繕流程的透明度和提升效率。當業主發現單位內的裝修或設施有欠妥善的地方時,可點選程式上的修繕清單記錄功能,從預設的多項常見單位問題中選項,方便業主作出記錄之餘,亦大大減輕業主需要為每個修繕跟進事項逐一手寫記錄的煩惱。在盡量簡化程序之餘,亦預留「其他」選項作為予業主填寫補充事項之用。市建局從程式系統內獲取記錄後,物業管理公司會進一步與業主覆核事項,或相約到單位實地視察,再轉交工程承建商作出跟進,而業主亦可從程式中知悉有關工作的進度。然而,買家並非必須通過應用程式進行匯報,亦歡迎個別買家以書面方式記錄修繕跟進事項。在交樓時,亦要求物業管理公司的服務大使需就應用程式的使用詳盡向業主講解。該局補充,有關應用程式是市場上的產品,並按照本項目需要作出相應改動。

據了解,目前香港多家大型發展商都未有硬性要求業主透過App報瑕疵,包括長實、新地、新世界及恒地,當中新地正積極籌備一款應用程式,方便新樓盤買家收樓時使用,短期內公佈詳情。

[img]https://hk.appledaily.com/resizer/W_uni5M_A3hsq8D2yTdBCIPyoAc=/802x451/filters:quality(100)/cloudfront-ap-northeast-1.images.arcpublishing.com/appledaily/CMAB7REN7XPWUUYL5W4TTI3RTE.jpg[/img]

[img]https://hk.appledaily.com/resizer/xlB_cuVMzfY7tekL0w4DhVrsBhs=/802x451/filters:quality(100)/cloudfront-ap-northeast-1.images.arcpublishing.com/appledaily/AI4JTCRDFME3OUH2TEBNP4VUVY.jpg[/img]

[img]https://hk.appledaily.com/resizer/PMdhUt3K5VKpL0pDcEt9PQT9Q8U=/802x451/filters:quality(100)/cloudfront-ap-northeast-1.images.arcpublishing.com/appledaily/JJKJBAS2CNUHQJ23LJ3SFSOUCU.jpg[/img]

hlce1317 發表於 2020-07-05 11:03:08

{o045}

wtk7213 發表於 2020-07-05 11:41:13

;047;

fungkamchee 發表於 2020-07-05 12:43:35

離題一下,62折都要590萬,無折要成 950萬,好貴!

SLLAM 發表於 2020-07-05 14:41:15

590萬486呎,即每呎1.21萬,根本唔應該係資助出售房屋嘅價錢[i=s]本留言最後由 SLLAM 於 2020-07-05 14:44:16 編輯[/i]

型英帥靚正 發表於 2020-07-05 15:17:31

幾百個萬層千瘡百孔嘅爛樓,換轉係你你都屎滚啦! ;056;

gd2gd 發表於 2020-07-07 01:15:09

;067;

technetium 發表於 2020-11-03 23:05:36

;009;

LeeMama 發表於 2020-11-04 08:12:22

;fatc9_016; ;fatc9_098;

頁: [1]

Powered by Discuz! Archiver 7.2  © 2001-2009 Comsenz Inc.