香港公營房屋討論區 文字版

含蕉到日落 發表於 2018-01-05 01:18:57

玲玲教你舒服住凶宅

樓市升到連凶宅都高位出貨,單係今個星期,市場就浮出兩單凶宅易手資訊,難怪有人話家陣凶宅唔可怕,最怕冇樓揸手咋。咁究竟點先可以住得安心呢?玄學家麥玲玲就建議大家喺裝修上面落功夫,夠陽氣就心都定晒喇。

繼死過人嘅荃灣中心單位早前以近400萬元、呎價1.2萬元易手,喺正1998年「五屍命案」隔籬嘅德福花園單位,噚日又話以超過500萬元出貨,呎價一萬。

玲玲師傅就話,玄學上凶宅陰氣重,但都可以靠裝修增強陽氣自救。「鏡容易招陰,凶宅就唔好擺咁多喇。」除此之外,裝修用色最好唔好太過深沉,可以用番啲有生氣嘅顏色,例如黃色、紅色咁,同埋盡量將窗簾長期拉開,等間屋夠光猛,加重陽氣。

咁究竟咩人住凶宅影響冇咁大呢?玲玲師傅就話,其實最重要都係住客心態,大家咁貴買層樓,都係想有覺好瞓,如果根本唔安心就無謂博。反而住客如果有宗教信仰,又或者係外國人、傳教士等等,本身百無禁忌就ok,凡是都係求安心。


查實玲玲師傅一向鍾意投資磚頭,佢話見過唔少friend買入凶宅,無蟹之餘重升得唔錯,所以凶宅都唔一定炒唔起。睇番今年樓市,玲玲都話升到咁癲要睇定啲,有機會可能考慮投資寫字樓。

simonho2018 發表於 2018-01-05 02:02:02

roomho987 發表於 2018-01-05 10:55:50

有錢買樓就舒服 ;020;

頁: [1]

Powered by Discuz! Archiver 7.2  © 2001-2009 Comsenz Inc.