香港公營房屋討論區 文字版

folee0001 發表於 2016-03-23 10:04:28

網民熱話:牆身發霉要租客負責?

【on.cc東網專訊】而家買樓難就係人都知,但原來而家租樓都「難」處!近排日日啲天氣都咁潮濕,唔少人屋企都可能會有牆身發霉嘅問題,仲有人屋企濕到生埋菇!

有業主就係因為牆身發霉,喺討論區內開post呻下:「租客唔知點住,多幅牆身勁發霉,大家評下理。」佢仲話,要求扣租客兩萬蚊做油漆費。點知個租客同佢講喺小額見。咦?乜原來而宜家油下油都要盛惠二萬蚊啦!

不過,一眾嘅網民似乎冇乜幾個企喺發帖者嗰邊喎。有網民直言:「你呢類人我見唔少 ,以為有錢大曬!」發帖者補充話:「佢(租客)話潮濕唔關佢事」隨即就被人反駁,「點解你認為關佢事?」

其後發帖者又解釋,覺得牆身發霉唔係自然損耗,因為租客冇抹牆,又唔用抽濕機。網民就回應指:「你租約有規定佢要抹牆同(用)抽濕機?定係包咗抽濕機及肯畀電費?」「無用抽濕機,最多只係講緊無防止牆身發霉(租約上佢冇此義務),唔係佢令牆身發霉。」呢位網民就更加一語中的:「你去酒店住一個星期,個牆霉左,你會唔會油返好佢?輸打贏要,租金、按金就個個月識拎。」

諗落都幾有道理,究竟點樣先可以人為令牆身發霉呢?不如發帖者自己抹一抹,清返啲霉咪算囉!

同時,亦有好心人提一提發帖者:「租俾人就預左跌返啲,執執(再)畀下家,嘢嘢去到咁盡,小心報應啊!」「不如當今次係一個教訓。以後調整返租金,作為維修保養用。」

身為業主嘅發帖者,應該都聽下人哋嘅意見啦。如果唔係,咁樣屈一屈,會唔會太離地啊?

我是傻的别怪我 發表於 2016-03-23 12:28:08

**** 作者被禁止或刪除 內容被屏蔽 ****

lomeion 發表於 2016-03-23 15:19:24

我幅牆爛哂,我都驚業主啊支啊助! ;084;

jp_dannywong 發表於 2016-03-24 02:24:28

我以前租過三個地方都係由業主負責油返~  有一度仲幫我油咗先再續約添~

tinlingyuetka 發表於 2021-07-03 21:56:13

😅

頁: [1]

Powered by Discuz! Archiver 7.2  © 2001-2009 Comsenz Inc.