公共屋邨保安問題一直為人詬病，有啟晴邨住戶指邨內近日發生多宗懷疑爆竊案件，「出門口之前好肯定有鎖好鐵閘，但一返到屋企就見到道閘畀人開咗，如果唔係有反鎖大門，已經畀人入屋偷晒啲嘢喇！」袁太早前外出折返發現鐵閘半掩，懷疑有人企圖入屋爆竊，即時報警，並知悉邨內曾發生多宗類似事件，不滿房署置若罔聞。袁太為求加強保安，已自行聘請師傅於鐵閘邊加裝防盜鐵片，並以膠杯遮擋閘鎖位置，以防被人扭開門鎖。
同為啟晴邨居民的岑先生亦曾遭遇類似經歷，「嗰日一家人喺屋入面，聽到有人開我道鐵閘，太太喺防盜眼望出去，見到有個高大黑衣男開緊我哋道門！」岑先生認為邨內鐵閘設計欠佳，除鐵閘上、下通風位過於寬闊外，鐵閘與牆璧之間亦有逾一厘米罅隙，易被人從外「攝入」工具旋開鐵閘鎖入屋爆竊，要求房署正視問題。
公屋聯會啟晴邨總幹事梁婉婷表示，啟晴邨入伙逾年至今，共接獲近30宗懷疑門鎖被打開個案，當中3至4名住戶曾親眼目擊有人企圖打開門鎖，鐵閘防盜能力成疑，「同房署反映過好多次，但都仲未有回應會點樣去防止呢啲事件再次發生，住戶唯有自己喺鐵閘邊加裝防盜鐵片，同埋喺通風位加塊膠片，去保障番自己嘅安全！」梁要求當局改善有關鐵閘設計，堵塞原有設計漏洞，防止罪案發生。
不過，房屋署發言人卻稱，根據啟晴邨辦事處紀錄，從未接獲居民報告指單位鐵閘被人擅自開啟情況，並指趟閘設計使用廣泛，而邨內使用情況亦無異常，故不存在漏洞，但為加強保安，建議居民外出時將門閘反鎖。
香港鎖匠學會會長梁順和指出，啟晴邨鐵閘屬趟閘設計，閘鎖為鵝蛋形式手擰式拉閘鎖，倘閘邊及通風口位留有較闊空間，外人容易伸工具入內扭開鐵閘鎖，建議住戶加裝鐵片或膠片堵塞有關罅隙，以加強保安
