|
心情動態：
來自非公營房屋 |
【蘋果日報】物華街及協和街小販檔在觀塘屹立30多年，但重建推土機下，特色市集即將消失。市建局曾向商販承諾，待臨時市集落成後商販可「無縫交接」，但臨時市集完工日期一拖再拖，商販復業無期，約125個小販檔最遲今日要搬遷，否則不能獲取賠償。有檔主斥當局出爾反爾，拒絕搬遷，會留守至臨時市集落成啟用。
記者：譚靜雯 「全部七折、要錢唔要貨」、「最後一日全部貨半價」，物華街小販市集昨最後一日營業，叫賣聲此起彼落，商戶落力散貨。受觀塘重建影響，物華街及協和街小販市集約125個商販面臨失業，市建局上月向商販指臨時市集未完工不能「無縫交接」，更提出搬遷賠償方案，利誘商販年初五前交吉，就可獲9.6萬元賠償；若延至本月28日才交吉，就只得6.4萬元賠償金額；2月28日後仍然不搬走的話，則不獲任何賠償金。 售賣小童衣服28年的梁太已接受市建局賠償，並於今日遷出，她指市集人情味濃厚，多年來與不少街坊結成朋友，心底極不願搬遷，「好多人BB仔就幫我買衫仔，睇住佢哋大。」但她承認市建局金錢利誘成功，「我好肯定佢哋3月交唔到場，但肯走都係為咗9.6萬。」攤檔昨最後一日營業，全部嬰兒衣服半價出售，「每件蝕到入肉，但唔賣都唔得，唔通等到佢個市集開番，嗰時都換季啦！」 有檔主聲言留守 在物華街售賣內衣30多年的李小姐是唯一堅持留守至最後一刻的小販檔，她批評市建局違反承諾，「喺市建局應承我哋無縫交接搬去新嘅臨時市集，但嗰度仲係爛地一片，佢哋已經冇信用，到時3月搞唔掂，我又冇生意做，手停口停」。她寧願放棄賠償都不會搬遷，「我唔係貪市建局筆錢，只係想做生意，唔係賴死唔走。」 市建局回應，將繼續協助商販，順利遷到區內的臨時小販市集。有消息承認，臨時市集工程延誤，但強調不會清場。 此外，今晚有團體在市集辦告別派對，與商販共度最後一夜。 
|
||
|
祝未上樓朋友早日上心水樓；祝已上樓朋友安居樂業！
如果大家有任何疑問或分享, 建議大家在適當分區建立帖子｡
|
|||
