嘈音問題請教

caca_1024

嘈音問題請教

公屋派左頂層，入住2個月，問題仍未能解決亦都搵唔到真正原頭，低頻嘈音，每4至6個字響一次，每次6分鐘之後*扑*一聲會停，正好機房門口在我單位對上前少少位置，投訴左，話機房可能機件老化，但零件暫時無問題，排氣扇都無問題！所以目前無辦法解決，但我總覺得是食水喉上水震動引起的，因條大喉在我門口大概一米距離，條喉u 字在我屋頂位經過！但屋邨又話應該唔係，但我聽聲音又似係上水聲，每次屋企有低頻聲音，去聽條喉係一樣聲音的，每晚一訓上床，聲音一到就好似罩住隻耳仔咁，好辛苦，晚晚都3，4點先訓到，已經帶耳塞帶到耳仔發炎。成日覺得間屋好嘈，重點企係度感覺係果d陣動聲，一訓係度就好似大水喉係耳邊咁，我仲可以點做？真係超辛苦，派到舊樓無新樓都唔緊要，等左8年換呢d嘈音單位真係攞命，痛苦中。。。。

saku

回應 #1 caca_1024

本身無寫係問題單位？声音係明顯嘅？你投訴時佢上去望有無聽到声？

caca_1024

回應  caca_1024
本身無寫係問題單位？声音係明顯嘅？你投訴時佢上去望有無聽到声？
saku 發表於 2020-05-22 02:00:28 原文

本身無寫有呢個問題，佢強調上手係搬大單位，唔關嘈音事。我有叫佢地黎聽，但佢每次只響6分中，次次黎到聲都停左！

caca_1024

回應  caca_1024
本身無寫係問題單位？声音係明顯嘅？你投訴時佢上去望有無聽到声？
saku 發表於 2020-05-22 02:00:28 原文

聲音一響時，企係廳會聽到好似雪櫃有時發出果d電頻聲，但入房訓落床會聽到好似平時係街果d抽渠聲咁，好大聲，我張床係做地台，而間房剛好係一張床岩岩好，所以係痴住墻的，一坐起身又會細聲返！

Ivan文

回應  caca_1024
本身無寫係問題單位？声音係明顯嘅？你投訴時佢上去望有無聽到声？
saku 發表於 2020-05-22 02:00:28 原文

我覺得呢d應該係問題單位咯，噪音問題有d嚴重

caca_1024

我覺得呢d應該係問題單位咯，噪音問題有d嚴重
Ivan文 發表於 2020-05-22 02:15:29 原文

朋友叫我要求調遷。。。。一心諗住長住，裝修已經洗左一大筆錢，就算俾我調遷我都無錢再裝修，我只想解決呢個嘈音問題。

Ivan文

朋友叫我要求調遷。。。。一心諗住長住，裝修已經洗左一大筆錢，就算俾我調遷我都無錢再裝修，我只想解決...
caca_1024 發表於 2020-05-22 02:21:38 原文

建議投訴多幾次，竹園南得36年歷史，等到重建幾乎等10年以上  

caca_1024

建議投訴多幾次，竹園南得36年歷史，等到重建幾乎等10年以上  
Ivan文 發表於 2020-05-22 02:25:58 原文

係，同埋呢度除左嘈音之外，其實都幾好住！我每次投訴都隔幾日先覆到，每次都話機件正常，但我地一家真係聽到有呢d嘈音，最衰左鄰右里都無事，我擔心佢地因只係我呢間有問題而唔想理。。。。

BoBomama

HeiHei2020

小心呀，嘈音滋擾，好易影響情緒或出現發病！