純分享經驗，3月頭上田貝四路家合居買浴屏，在長X衛浴好開心哋買咗浴屏及洗手盆連柜，已千叮萬囑等通知才送貨，X江衛浴亦於同一星期內安排安裝師傅度尺(收港幣$100)，3月21收到港X托運電話通知收貨，吓，我都未通知長X衛浴送貨，就叫我收貨，我叫佢返貨倉先，下星期先送。
3月28日由装修師傅代收貨(託運費$300)，全3件
裝修師傳安裝洗手盤連柜，剩浴屏一件。最後於5月6日預約浴屏安裝師傅(由長X衛浴提供，收$700安裝費)，安装師傅電話中提及要我買玻璃膠，吓! 我咁大個人第一次聽到有師傅安裝要個客買玻璃膠。到場後重冇帶電鑽，我以為我鄉下仔問多句，師傅! 唔使用電鑽㗎，師傅答我，唔使，剩係用膠得喇，安達同水泉澳好多都係咁裝，冇問題，重同我講要多$50, 開箱後，發現少咗基石，好喇，咁就唔使裝，叫我聯絡X江衛浴。
咁就即刻聯絡長X衛浴，老闆話比咗4件貨港X託運，即管聯絡吓港X託運。
我又即刻聯絡內地X龍託運，服務快到唔信，唔使5分鐘即刻覆我，唔好意思漏咗件係內地明天補送。吓! 3月28號送貨比我5月6日我追先話有件漏咗。好嘢(補充，先前收貨單列明得3件貨)。
好喇7號等到下午都冇電話，打上去港X託運，跟住佢同我講，(先生唔巧意思，昨晚过車，件石斷咗。
我們賠番比你，唔收運費。
我都唔係第一次係內地買嘢託運，咁嘅大恩惠，都唔知點講好。咁我問佢會幾時有，佢叫我同長X衛浴講。
好喇，入戲肉喇，5月9日卒知件石到咗。
由5月9日約嗰個由X江衛浴安排的師傅(電鑽及玻璃膠都冇個位), 一直都唔聽電話，第二日揾到佢就話，有時間就幫你安啦。吓! 唔知係咪怪我冇買玻璃膠比佢(因當時叫佢揾長X衛浴老細買啦)。
咁我唯一辦法，至電X江衛浴老闆，問佢有冇第二個師傅啦，老闆話帮我揾第二個。好喇以為攪掂。點知，装浴屏時發現2度門包膜有3點移位，打電話及發相片比長X衛浴，佢話依D係港X託運搬運時出問題。
咁我又唯有打比X龍託運啦，點知左推右推，跟住個老闆娘話唔負責。
大佬，我又唔係屈妳哋公司，我都係想得個答案，究竟要我買個度門定託運同衛浴傾吓，我由頭到尾都冇講过要你哋賠償。千零蚊當買個教訓。
後記: 裝好浴屏後，第二日基石邊位巳有滲水。好彩本人重有少少知識，起咗D玻璃膠，再唧過。
純分享
備註: 1 小弟不是第一次內地買貨。
2 純分享全程咁好彩。
3 未見過師傅唔帶電鑽及玻璃膠
你都好重口味喎~~~~
