香港公營房屋討論區
主頁 » 休閒天地 » 興趣坊 » 賽馬 » 【馬圈四朵金花】
頁尾 帖尾 顯示所有留言 搜索某用戶之留言 回帖 在本分區發新帖 搜索本分區 搜索 支持鍵盤翻頁

【馬圈四朵金花】
簡炳墀愛徒墮馬亡 鍾麗芳遲來先拉頭馬

2017-02-02 00:04:00 HKT








九十年代馬圈嘅四朵金花。(資料圖片)



簡炳墀愛徒簡慧榆於98年策騎「漢廷之寶」墮馬身亡。(資料圖片)



簡慧榆(資料圖片)



江碧蕙(資料圖片)



江碧蕙同媽媽感情要好。(資料圖片)



江碧蕙同前夫李格力及兩名兒子。(資料圖片)



目前余詠詩係香港史上唯一女副練馬師。(資料圖片)



余詠詩當年曾客串劇集《勇往直前》。香港史上唯一女副練馬師



余氏三姊弟余 詠詩、余健誠同余健雄曾同一時間喺香港策騎。 (資料圖片)


香港目前只有一位現役女騎師蔣嘉琦,然而喺上世紀九十年代,香港曾出現過4位女見習騎師,分別是江碧蕙、鍾麗芳、余詠詩和簡慧榆,蔣嘉琦則為歷來第5位取得香港賽馬會發出見習騎師牌照的女騎師。


昔日馬壇嘅小花,簡炳墀愛徒簡慧榆被譽為天份最高,簡炳墀更是悉力裁培,提供實力座騎,而簡慧榆亦不負所望,其成績是女見習騎師中最好一位,惜於99年3月21日策「漢廷之寶」墮馬,傷重身亡;其餘三位江碧蕙、鍾麗芳同余詠詩,均早已掛靴。

江碧蕙同鍾麗芳同於93年開始策騎。師承賓康嘅江碧蕙較先獲出賽機會,但最先贏得頭馬嘅,就係師承岳敦嘅鍾麗芳,佢仲係首位贏盃賽嘅香港女騎師㖭。

97年,江碧蕙同大佢11年嘅法籍師兄李格力結婚,98年掛靴,生咗兩個囝囝,移居法國享天倫樂,去年突然於facebook宣佈離婚,目前於香港教騎馬。鍾麗芳同於98年掛靴,未婚,現時擔任馬房領班一職。

余詠詩喺2000年掛靴後,任職高級策騎員,現任苗禮德馬房副練,係香港史上唯一女副練馬師,前夫為騎師薛順強,二人育有兩子。此外,余詠詩當年曾客串大台劇集《勇往直前》外,余氏三姊弟余詠詩、余健誠同余健雄曾同一時間喺香港策騎,成為馬圈一時佳話。

分享 分享 讚好人數:1查看名單


患腎組織病變怪病 江碧蕙靠人工受孕生B

2017-02-02 00:03:00 HKT








(資料圖片)



江碧蕙為香港首位華人女騎師(資料圖片)



江碧蕙與前夫李格力(資料圖片)



江碧蕙與李格力育有兩子(資料圖片)



(資料圖片)


退役多年嘅香港首位華人女騎師江碧蕙(Sherie)舊年宣佈同師兄、法國騎師李格力離婚,兩人嘅婚姻維繫咗19年就劃上句號,Sherie接受傳媒訪問時曾經提過,佢睇過張國榮《日落巴黎》MV,就心想要嫁畀第一個帶自己去巴黎鐵塔嘅人,嗰個就係李格力。


雖然Sherie年紀輕輕已成名,但由於佢好鍾意小朋友,渴望喺35歲前能生到4個小朋友,所以同李格力拍咗一年拖就直接問對方係咪有意結婚,6個月後,李格力向佢求婚,順利結為夫婦。

唔知係咪天意弄人,一直渴望生BB嘅Sherie本來想學外婆同媽咪,同自己啲小朋友相隔20年左右(Sherie於21歲嫁李格力),可以早啲同小朋友共度人生,可惜佢患上腎組織病變怪病,醫生宣佈佢唔可以自然懷孕,但Sherie冇放棄組織完美家庭嘅念頭,決定接受人工受孕,最後佢試咗3年,到第9次先成功生到第一個BB,亦即其長子李國銘(Samuel)。跟隨老公到法國生活嘅Sherie,喺無心理準備下,竟然以自然懷孕方式懷上第二胎(幼子李國寶Anthony),令夫婦倆大喜過望。

分享 分享 讚好人數:0查看名單


香港首位華人女騎師 40歲江碧蕙再婚 嫁混血男友

2017-02-02 00:02:00 HKT








江碧蕙與男友Jerome低調入紙註冊。(攝影:卓寶花、資料圖片)



江碧蕙舊年同Jerome出席油畫展



江碧蕙與前夫李格力



江碧蕙舊年宣佈離婚(互聯網圖片)



(互聯網圖片)



江碧蕙與男友排期結婚(攝影:卓寶花)


前女騎師江碧蕙(Sherie)上年宣佈同結婚19年嘅法籍前騎師李格力離婚,兩個囝囝留喺法國生活,江碧蕙則返港重新開始,同年底即與法國、西班牙、波蘭混血網球教練新男友Jerome出席尖沙嘴油畫展,宣佈新戀情,當時佢仲話順其自然,兩人相處開心就一齊,笑言:「又唔係未結過婚!」不過眨吓眼就爆出喜訊,入紙再婚!恭喜恭喜!


40歲江碧蕙原來喺上周二、即年廿七(24號)同42歲混血男友Jerome喺香港秘密入紙,據填寫資料顯示兩人均離過婚,所報地址相同,未知是否已達同居關係。據知江碧蕙上年7月13號先宣佈同李格力離婚,同月17號已與Jerome出席友人聚會,相識半年即結婚。

《蘋果》噚日打俾江碧蕙道賀,對於入紙註冊,江不願多談:「未揀日子,唔想講住,未有心理準備公佈,想低調。」

江碧蕙透露與未婚夫Jerome發展咗大半年,至於同李格力所生嘅兩個小朋友知道咗消息未?江碧蕙稱:「乜都未搞,係會低調啲,小朋友當然知道,o依家只係申請咗,乜嘢都未定,可能去旅行結婚,未必會大搞。」預計二人會喺3個月內、即4月尾前再次成為人妻。現時江碧蕙主要做騎馬導師,學生有陳蕊蕊同梁芷珊等。

16歲加入馬會的江碧蕙,係香港轉為職業賽馬之後,首位華人女騎師,17歲首次出賽,1993年策騎「玉璽」登場,策騎生涯共贏得11場頭馬,21歲與法國騎師李格力結婚。

婚後兩年,江碧蕙因為腎病被迫退役,又發現與夫難生育,結果江碧蕙用咗3年時間,接受人工受孕,直至第9次先成功懷孕,二人育有長子Samuel同細仔Anthony,可惜夫婦倆最後還是離婚。

分享 分享 讚好人數:0查看名單


江碧蕙孖混血未婚夫四圍去:最緊要開心!

2017-02-02 00:08:00 HKT











江碧蕙(Sherie)同未婚夫Jerome經常喺fb放閃。(江碧蕙fb圖片)



(江碧蕙fb圖片)



經常post頭貼頭合照。(江碧蕙fb圖片)



(江碧蕙fb圖片)



(江碧蕙fb圖片)



(江碧蕙ig圖片)



相信仲見埋家長o添!(江碧蕙fb圖片)


江碧蕙(Sherie)上年7月13日喺fb post相暗示結婚19年的法籍騎師李格力離婚,未幾回港後,於朋友聚會中識到未婚夫Jerome,仲喺7月17日就post出同Jerome以及一班朋友出海玩嘅合照,兩人火速撻着。


講番Jerome,佢係法國、西班牙、波蘭混血兒,任職網球教練,之前都被影過同Sherie一齊打網球;兩人又被影過夜遊大坑,Sherie仲貼心到幫Jerome買煙o添!

Sherie喺上年11月帶Jerome出席公開活動,當時佢就話對婚姻嘅態度係順其自然,最緊要開心。而且Sherie經常喺fb晒恩愛,好多頭貼頭嘅合照,又攬到實一齊幫慈善機構影宣傳照。睇埋佢近期post嘅相,估計已經帶埋咗Jerome去見家長o添。

分享 分享 讚好人數:0查看名單


本來係富家千金 首位華人女騎師經歷破產婚變

2017-02-02 00:09:00 HKT








(資料圖片)


江碧蕙(Sherie)係香港首個華人女騎師,95年吐氣揚眉策騎「大瀑布」贏得首場頭馬。雖然然騎師生涯看似風光,但背後的辛酸只得自己知道。21歲時,Sherie閃嫁法籍騎師李格力,育有兩子,二人於上年離婚。


父親做印刷廠生意,Sherie本身係千金小姐,比較任性,因為唔鍾意讀書,所以中三那年就成為馬會招聘首屆女騎師學員。豈料受訓不久,Sherie父親印刷廠遭有份合股嘅叔叔鵲巢鳩佔,Sherie父親更被踢出局勒令破產。呢個經歷令Sherie一夜間被逼長大。

由於騎馬係高危運動,短短幾年騎馬生涯,Sherie喺馬背跌落嚟嘅次數多到數唔清,令佢身體不勝負荷。婚後第二年被驗出腎臟組織變異,服用類固醇控制病情,被逼結束騎師生涯;由於被腎病困擾,更令Sherie經歷咗9次人工受孕。

Sherie能夠嫁到法國可能係唔少女士葡萄,但係佢話當時最初人生路不熟,買餸煮飯又要親自揸車外出;而且當地女傭月薪係香港嘅三倍,所以令佢要做埋女傭嗰份,自言樂在其中。

分享 分享 讚好人數:0查看名單


分享 分享 讚好人數:0查看名單


分享 分享 讚好人數:0查看名單


歡樂香江幸運星
分享 分享 讚好人數:0查看名單


快聽
慢…講
慢……動怒
分享 分享 讚好人數:0查看名單


命裡有時終需有,

命裡無時莫強求。
分享 分享 讚好人數:0查看名單

頁首 帖首 在本分區發新帖 曾訪分區 支持鍵盤翻頁
重要提示:為免用戶蒙受損失及為公平起見, 一律嚴禁透露商戶或裝修師傅資料, 違者會被警告, 嚴重者將被禁言甚至禁訪本討論區, 敬請合作。 (詳情) (用戶守則)
抱歉! 你無權回帖。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁

請按此瀏覽"重點帖子"! X
分區表  登記 登錄 頁首 回帖 搜索 頁尾 在本分區發新帖