特快揀樓流程

LittleTina

特快揀樓流程

有好多朋友未去過特快揀樓，可能都會想知道特快揀樓係點樣的，
今日去的時候偷偷影左dd相比大家了解一下。
雖然今期特快已尾聲，但可能往後幾年大家都有機會去揀啦。
（因為佢寫左唔比影相的，希望大家唔好舉報我 我都係好心想同大家分享下而已…如果唔小心影到你就唔好意思先…）


1）我預約時間係8:45，當時大約8:20分已經到左。

（房署門口，大家審查都係去呢度啦）

（入左去唔洗上電梯，直入已見到揀樓中心）

（電梯底就係等候處）

（等候處對面就係簡介室，都好多人討論緊揀咩）
－我呢個時段得20-30人受邀, 比中間5個時段少成半人, 但係都有人冇得坐
－多人揀的時段更加有機會冇位坐

2）大約8:35，職員叫排隊登記，入去「簡介室」

（簡介室內部）
－登記時要身分證同揀樓信, 會收左你揀樓信, 比揀樓紙同一個file的申請須知你睇
－8:46開始簡介, 睇段10分鐘的片先：PPT簡報黎, 每頁放左一項揀樓需知(中文)，然後有人錄音口語讀返出黎（同場有兩個家庭係外藉的，冇人照顧過佢地需要）
－完左片佢再問大家有冇問題，同重點講返特快冷靜期以及白表綠表買居屋ge限制等等…
－其實講解哥個人都唔太清楚有咩單位淨，佢講錯哂2-3人單位數目又當左已經冇哂租置單位可以揀(其實當時仲有山景良景兩個)

3）大約9:05，移動入預覽室，即係頭先一開始第2張圖見到哥邊ge房

（預覽室內部）

（揀樓紙正背面）
－名單係有哂全期計劃單位的，你會見埋每個單位係邊一日比人揀左，因為淨返好少單位，大家都會堆埋一堆咁睇
－長枱有鉛筆供應，可以只填特快單位編號，最多6個選擇
－如果揀唔到，長枱最左邊簽左揀唔到單位的文件先走得
－長枱上按次序攤哂入左黎揀樓ge人的揀樓信o係度，你揀完過去話佢知，簡單登記就進入隔離等候室。

4）大約9:14，預覽室哥邊話時間到，等所有揀到ge人入哂黎等候室先正式開場
－等候室守衛深嚴～冇相～
－就是幾排膠凳，前方牆貼左d 「各區屋村樓齡」「發生過鉛水事件屋村」「各長者屋樓齡」同埋一堆須知。
－再有個好似高級d的職員黎講解多次，主要講話同場都有競爭未必會揀到同埋講多次冷靜期呢樣野
－講解大約5分鐘，因同場有兩家外藉人士，主任用英文brief多左次(主任英文唔差)
－之後就點名，係按揀樓次序點的，我同場有大約12個家庭到吧(可能數錯)

5）9:24點完名就直接開始叫名入「揀樓室」
－每次同時可以有3個家庭o係揀樓室，其他未到的繼續等
－「揀樓室」守衛更深嚴～唔會有相～
－o係揀樓室每個申請家庭會有一個主任拎住你份file孖住你，佢會幫你手o係單位名單上搵你揀樓紙列左ge單位
－如前面家庭未決定得到，仲有d猶豫緊，後面係會cake住哂要等埋先（我前面一戶就係咁…即使我揀的同佢冇衝突）
－「揀樓室」內的名單唔止有寫被揀日子，仲有寫埋揀左哥個人ge特快次序
－主任o係蓋印前會再將單位資料覆述一次清楚比你知ge，一旦蓋上「已揀選」的印，你就用左今年特快的揀樓機會了，都冇得揀過第二個單位啦
－之後一蓋完印就會趕你快d離開，過去等簽文件
－我係哥個時段第5個，9:27入揀樓室，9:31分已經揀完蓋印去下一步了。

6）簽文件

（簽文件等候區，有3個counter）
－我前面仲有3-4個家庭都有揀到單位，我等左4-5分鐘左右就印好文件簽得啦

（到我簽文件）
－文件係一大疊有唔知一式幾多份有幾多張過底紙的…我簽得唔夠大力…下場就係我拎哥份副本會好淺色…
－簽之前職員會再覆述你揀的單位同一d注意的事項
－我問職員如果冷靜期內電話拒絕，房署收到指示會唔會回覆返，佢話唔會

（最後簽哥份文件的上半部份）

7）離開
－我已經審查合格，就只係拎返簽左份文件一兩張紙咁走
－如未審查，再行出d近門口又有個等候區係約審查時間的
－審查約時間要等幾耐我唔知～因為我已經走左～離開時間9:42。


－走時見到唔知10:15定9:45的人已經坐滿哂

onepieceluffy

支持本土製造～影像及佈局滿分

jp_dannywong

du櫻1399

好仔細。  

cherryybl

好犀利

怪物小王子

michelle1989

好有心機寫！

xxxxmei

yan0915

chan328