香港公營房屋討論區
主頁 » 公共出租房屋 » 擴展市區公屋 » 【瀝源四十年】瀝源邨有幾趣? 屋邨三大之最
頁尾 帖尾 顯示所有留言 搜索某用戶之留言 回帖 在本分區發新帖 搜索本分區 搜索
1...3
支持鍵盤翻頁
含上傳圖片/文件之留言 只顯示含上傳圖片/文件之留言

【瀝源四十年】瀝源邨有幾趣? 屋邨三大之最


政府幾年前清拆牛頭角下邨重建,港人湧去牛下懷緬,只想尋回兒時記憶。其實在沙田的瀝源邨也是「舊長型」設計的公共屋邨,擁有長長的走廊、四通八達,猶如迷宮一樣。瀝源邨今年踏入第40年,回顧歷史,瀝源邨有三大之最,包括是沙田第一條公共屋邨、邨內的噴水池更是當年面積最大,更有一個全港碩果僅存的第一代屋邨熟食中心。

七十年代,政府移山填海、大興土木,要將沙田發展成為新市鎮。當年房委會未成立前,已計劃在沙田興建第一條公共屋邨,就是瀝源邨。

瀝源邨是沙田區首個公共屋邨,1975年落成入伙,共有7幢樓宇,包括福海樓、富裕樓、貴和樓、祿泉樓、壽全樓、華豐樓及榮瑞樓,合共逾3,000個公屋單位,容納超過8,000多人。

瀝源邨除了是沙田第一條公共屋邨,邨內的不規則噴水池更是地標,噴水池面積相當大,在70年代算是全港屋邨最大型的噴水池。不過,早年房署曾計劃清拆噴水池,騰出空地興建公屋,在地區人士反對下成功爭取保留。

此外,瀝源邨更是一個全港屋邨之最,就是全港碩果僅存的第一代屋邨熟食中心,後來的冬菇亭更是參考這個熟食中心改良而成。昔日熟食中心有6檔,但現時只餘下盛記麵家。盛記由沙田舊墟大排檔起家,再遷入熟食中心做生意,已經有超過50多年歷史,是沙田區現存最老的麵家,名人黃金寶、何劍暉、鍾尚志都曾是座上客。

港人要懷緬「那動人時光」,其實在70年代落成入伙的「舊長型」屋邨仍有不少,包括葵盛西邨、荔景邨、愛民邨及興華(二)邨等。


84年開業的沙田新城巿廣場,帶旺附近屋邨,位於瀝源邨的「娛樂城」,80年代盛極一時,那些年是年輕人的「潮」聖地,電影《賭神》也在此取景。91年,全港最大的卡啦OK「安全地帶」座落於此,物換星移,兩間姊妹戲院—「新聲」和「雅都」相繼結業,原址變了教會,昔日熱鬧的娛樂城,早已今非昔比。

機舖同波樓,常被視作乖學生禁地,但越禁越好奇,是無分年代的共同經驗。桌球運動員區志偉笑言,自己的篤波初體驗,亦來自娛樂城,「第一代桌球室喺五樓,係(已故影星)傅聲弟弟張展鵬開嘅,後來先有沙龍」。那些年,放學後校服未除偷偷潛入桌球室篤波,是一代男生的集體回憶。還有電子遊戲機中心那片小小的英雄地,街霸、打鼓,在陌生人前忘形起舞,那些年的快樂,還記得嗎?

記者呂麗嬋


40年辦館 人情味滿瀉

讓八旬獨居婆婆寄存後備鎖匙;借錢給老街坊,為兒女交書簿費應急;散賣$2.5一支香煙,給煙癮大卻又無錢的老街坊,還有讓周日放假「秘撈」賣汽水餅乾的外傭賺一百幾十寄錢返家鄉……每個屋邨,總有一個街坊驛站,在瀝源邨,它是豐昌辦館。75年開業,與老邨一起成長,小店今年也剛好40周年。「以前連麻雀都有得租,五蚊一日,仲送上門」。那是街坊互助,麻雀枱上「抽水」只為買一支七彩冰條的年代。呂少珠是接手經營的第二代,豐昌這個寶號,還是爺爺的名字。

「以前閣樓有個倉,畀兩個夥計住,做得夜,索性喺度瞓,一落樓即可以開舖」。豐昌由爸爸及四叔創辦,那些年的孩子,放了學輪流看舖,要不就幫忙「抹麻雀」,「以前冇乜娛樂,放假攻打四方城,一副麻雀好貴,唔捨得買,好多人租」。物換星移,麻雀再無人租;超市、便利店進駐,生意不如前,夥計早沒了,唯一不變的,是那份獨有的人情味。「你問事頭婆啱㗎嘞,佢對老人家最細心,人人都嚟呢度吹水,有街坊話冇錢幫個仔交書簿費,佢連錢都借畀人,你話好唔好人先?」路過的街坊蒲太說。

事實上,豐昌門口,總放着一張櫈。絡繹不絕的師奶兵團,晨完運無所事事的婆婆,剛送完女兒返學的年輕師奶,街坊驛站瞬間轉移,成為吹水站。呂少珠說:「試過住喺第7座嘅婆婆,80幾歲,抹鐵閘拍埋咗道門,個仔電話又唔記得,咪借衫借錢畀佢,等佢坐的士去上水搵個仔,家佢索性放串鎖匙喺度,唔使再擔心冇門口入」。忘了帶銀包,買了東西未付錢,收銀櫃旁的賒數單就派用場。「做街坊生意,大家講個『信』字」。她說得理所當然。

呂少珠有四兄弟姐妹,舊時代的長女,總特別顧家,原本與丈夫在街市經營海鮮檔的她,3年前接手家族生意,自此,朝六晚九,一星期返足七日,兩口子沒再放過一日假,「請唔起工人,惟有自己做,爸爸退休時已經88,老人家好傳統,間舖用阿爺個名,唔想執,咪幫手囉,佢同阿叔創業,我哋係守業,梗唔想做衰個名。不過呢行真係好困身,一日到黑收貨拆箱冇時停,啲米同鹽又要分開一小包,方便婆仔買少少都得,好在我先生退休肯幫手,唔係得我一個點搞得掂?」

家住大圍,每天5時起床,準6點開舖,「好多地盤工人出元朗開工,開工前,過嚟買對勞工手套買包煙,然後坐頭班車出去;阿公阿婆唔使講,好早起身,要買油鹽雜貨;下午學生放學,買零食汽水……」兒時回憶,總有這一幕:放學後揹着書包,和同學流連街坊辦館,手上一支冰涼汽水,眼望着晾衫夾夾着包裝薯片,心中盤算袋中的零錢夠不夠。70年代,沒超市沒便利店,買雜貨食物,就到辦館。

只是,人情味到底敵不過歷史巨輪。瀝源邨原本的5間辦館,只剩2間,生意不好,加上下一代不願接手,名副其實執一間少一間,「叫做搵到兩餐,多就一定冇,仔女係好孝順,但我都唔旨望佢哋會接手,做埋我哋呢代,真係可以收工……不過近呢幾年,真係多咗後生仔女幫襯我哋呢啲老古董,啲貴價煙絲,都係佢哋介紹我哋賣,仲帶埋啲客人過嚟,怕我哋冇生意。」呂少珠說。


老邨孕育亞運桌球手 區志偉細訴瀝源情

電影《賭神》取景的娛樂城、儼如地標的噴水池,還有經典電視劇《小時候》,瀝源邨是沙田新市鎮發展首個公共屋邨,見證沙田由荒地到萬家燈火。40年過去,老邨不老。在瀝源邨長大的桌球冠軍區志偉,難忘波地「磨薑」腳趾受罪;遍歷人生的王書麒,懷念一代人的《小時候》,還有因爺爺之名,成為街坊驛站的溫情辦館。物換星移,在香港人慨嘆安居仍是夢的今天,見證悠悠「上樓」歲月。 

記者:呂麗嬋

在瀝源邨的沙龍桌球室,門口有塊龍虎榜,記錄歷年「一Q攞分最多」的球手名字。傅家俊、區志偉、陳國明……都是香港桌球界名將,「11個人入面,只有5個家仲打緊波,連塊白板都封晒塵」。區志偉是港隊成員,亞運獎牌得主、兩屆超級聯賽冠軍,歲月悠悠,他笑言,鄰近沙田體育學院的瀝源邨,陪伴他成長,孕育他成為桌球運動員,衝出香港。

「80年代,卡啦OK仲未流行,唔係篤波,就係打保齡,屋邨有個娛樂城,好巴閉」。瀝源邨1975年入伙,鄰近的娛樂城稍後落成,是當年年輕人「潮」聖地,戲院、桌球室、遊戲機中心,電影《賭神》在此取景。30年過去,戲院結業,昔日的娛樂城門庭冷落;就是被視為香港最具先導性的瀝源邨,也由核心小家庭集中地,變為最多獨居長者的老人邨。

「今日嘅沙田,已經唔同晒」。46歲的區志偉感嘆。70年代,港府為解決市區人口過多問題,開發沙田成為自給自足小社區,瀝源邨是重點催生的首個公共屋邨。「搬去瀝源時得6歲,嗰時沙田仲係好荒僻,火車一出隧道,只見路軌同魚塘,連新城市廣場都未有」。區志偉一家,是首批由慈雲山七層大廈,獲安置上樓的基層家庭。「300呎單位住上6個人,有獨立廁廚,喺嗰個年代,係天堂」。

這天,記者跟着這個昔日街童,尋回舊日足迹,這個上一代的屋邨仔,自言百般滋味。「呢間辦館,由細買糖買到大,仲有呢間髮廊,估唔到仲喺度……」儼如地標的三葉草型噴水池,還有77年在瀝源邨取景的經典電視劇,似遠還近的集體回憶,「未搬之前住富裕樓,7樓拍《小時候》,我住6樓,成日見到明星」。逛母校、重遊社區會堂,途中還碰到多年無見的舊街坊,「個個都發晒福,做咗中佬,但一見個樣就認得」。

十年無返過「鄉下」,他興奮得指手劃腳。瀝源盛產運動員,童年玩伴,還有單車王子黃金寶。「大家讀同一間小學,我6年級,佢4年級,又住喺隔籬座,吹水踢波,同一個屋邨,有塊空地,只要一齊玩,好快熟」。人字拖小男生,石屎地練衝力射球,腳趾「磨薑」見血;將石梯欄當滑梯玩,褲子磨穿小洞,被老媽子痛罵。「嗰個年代,讀唔到書就出嚟做嘢,我15歲已經喺酒樓做廚房,後來同阿寶做埋同事,不過佢好快冇做,我就一做8年」。

兒時玩伴 分道揚鑣
志偉笑言,當年胸無大志,無想過運動員可以是一份職業,「我最記得有次返瀝源邨,見到阿寶,佢話用9千幾蚊買咗架單車,我嗰時唔知專業單車好貴,仲問佢:咁貴,你儍咗呀?」出名酷的阿寶,在這個健談大哥哥眼中,是慢熱大男生。「後來搬走咗,就好少聯絡」。由廚房走出來,騎上單車的阿寶,在頂尖賽事奔馳;醉心桌球的他,則邊做廚房邊篤波,篤出香港。

「有時會喺報紙睇到佢嘅消息,不過始終冇主動再聯絡」。兩個屋邨仔,走截然不同的路,失聯多年,直至02年釜山亞運,兩個人在選手村重遇,人生走了一圈,最難忘的,還是瀝源邨那塊波地,還有那個讓他午夜做過不少好夢的噴水池。「感覺好奇妙」。早各自成家,還做了爸爸,「我話瀝源邨係我鄉下,肯定冇錯,冇呢度就冇今日嘅我」。長年在外比賽的志偉笑着說。


抱歉! 你無權閱覽或下載此留言的上傳圖片或文件。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁。
祝未上樓朋友早日上心水樓;祝已上樓朋友安居樂業!
如果大家有任何疑問或分享, 建議大家在適當分區建立帖子。
分享 分享 讚好人數:4查看名單


分享 分享 讚好人數:0查看名單


分享 分享 讚好人數:0查看名單


G1248 擴3
分享 分享 讚好人數:0查看名單


瀝源好住, 奶奶家在這, 有我致愛大露台。
G1280xxx  新3
2011年7月x日 拎藍卡
14年9月8日 審查
16年7月26日 轉STEP 3
16年7月28日 轉STEP 4 (預派朗善邨)
16年10月14日 揀特快
分享 分享 讚好人數:0查看名單


擴3 G1281
11年7月收藍咭
13年12月審查
14年1月step2
分享 分享 讚好人數:0查看名單

頁首 帖首 在本分區發新帖 曾訪分區
1...3
支持鍵盤翻頁
重要提示:為免用戶蒙受損失及為公平起見, 一律嚴禁透露商戶或裝修師傅資料, 違者會被警告, 嚴重者將被禁言甚至禁訪本討論區, 敬請合作。 (詳情) (用戶守則)
抱歉! 你無權回帖。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁

公屋申請速報系統 X
分區表  登記 登錄 頁首 回帖 搜索 頁尾 在本分區發新帖