快遞派件的不愉快經驗~~

rubyip730

快遞派件的不愉快經驗~~

星期六中午12:45收到京X快遞電話通知15分鐘後到逹。

當時我在友愛邨，所以請求佢等一等，我即截的士回家，30分鐘必定回到。

但得到回覆 “唔得喎!我做埋你呢單收工! 你有咩打返公司講!” 即時CUT線。

因此件急著用，不能再改日期送，而我致電多次司機均轉到留言信箱，沒有人接聽。我非常焦急， 我只好留言 『你一定要今日送, 我趕緊返屋企!』

由於截不到的士，最後只好跑到馬路中心上截車，再打京X快遞司香港公司。

但接聽電話的人通知，司機只肯等到1:00!???即係都係比得15分鐘趕返屋企!

飛奔到逹家中，卻不見送貨司機? 心想, 唔通走咗? 再致電他手提也沒有人接聽，致電京X快遞辦事處，得知他正在派其他件一會兒會再派。(頂! 咁就唔好迫我15分鐘返到屋企!) 我到樓下找他。

剛好在電梯間碰上，請他送貨上樓。

簽收時，

我問: 下次你可唔可以早30分鐘通知，因為真係好趕，頭先好危險，我响馬路中心才截到車!

阿俊: 關我X事! 你有咩同公司講! (已經轉頭走)

我: (開緊門放好件貨) 咁你比上午或下午都好嘛! 如果我為咗趕返嚟，有咩事你過意得去?

阿俊: 我理X得你! 關我X事! (佢已經响電梯大堂)

我大叫: 你都有屋企人架!

阿俊: 關我X事!

我: 我實投訴你!

阿俊: 我叫阿俊! 你咪投訴囉! X你老X ! 投訴完我之後! 我擔保以後無人送你D貨!!!!

rubyip730

我放好貨後出嚟已經唔見佢，因為趕著接小朋友放學。心想，算吧!今次碰巧遇上衰神! 稍後先致電佢公司投訴!
到樓下，碰巧聽到佢致電回公司同事誣衊我不停小佢!!!
我對咗你一分鐘咋.....點不停鬧你?同講粗口鬧你?
為保障我免被再誣衊, 所以攝錄佢對話以便對質! 佢亦滿口粗言穢語及他一再誣衊本人拍攝他，會整爛佢部車! 有咩實入我數!
如此有被害妄想症的人，我不知他下一步會否自行毁壞車子再誣衊我!因為，我沒有駡他! 他也可以說成駡他!
為了安全! 只好報警備案(其實，我比他還要害怕，因為佢有我地址電話!)
備案後, 致電到京X快遞香港問如何解決?
得到的回覆是考慮不再為本人送貨!因為我報咗警! 我第一次聽到有快遞公司會不查原因, 如此處理及解決問題!???
我問我尚有貨品存响佢哋公司，如何解決? 佢才回覆會送餘下的貨, 但日後亦未必為本人送貨!

之前已經有上網上看過別人對京X快遞劣評如潮! 但心想可能是做謠，所以一試卻料不到自己是受害者之一!
我明白送貨搵食時間係金錢，但都唔係咁做嘢? 今次真係激動到喊咗出嚟!因為好委屈! 我未試過遇到一間快遞的運輸係咁PK! 我之前遇到全部好好的!
將來會用回大型的快遞公司。
唉! 如果唔係貪平，我勸你哋都係用第二間把啦……………
呻完~~

hkhk

之前已經有上網上看過別人對京X快遞劣評如潮! 但心想可能是做謠  人係咁  要自己交吓學費  好似承仔咁---

rubyip730

回應 #3 hkhk


    唔係比錢問題，係要受氣，比佢用粗口鬧, 仲要比佢恐嚇...........搞到我2晚都驚到瞓唔到!

Horribleellis

Gino

15分鐘又太短,司機安排真係有問題

rubyip730

回應 #6 Gino


    如果佢係話果朝上午一定到, 我响度等3,4個鐘都無問題。但佢真係無比到時間我。

Gino

回應 #7 rubyip730

下次轉其他快遞公司,今次當係唔好彩

suesue33

我做過一次算不錯，佢講得時間，但永遠遲到。聽完你講，我都考慮無咩唔好用這間。

yee

轉大型公司穩陣
即係好似買電器咁
連鎖店穩陣啲咁