(又見報)晴朗街市食店霸路開席 居民憂淥傷

patkitli

(又見報)晴朗街市食店霸路開席　居民憂淥傷

【on.cc 東網專訊】 「日日晏晝開始就擺晒啲枱、抬晒啲櫈出嚟走廊，1間係咁，第二間又有樣學樣，搞到間間食肆都係咁，條路仲使畀人行嘅？」居於九龍城啟晴邨的李先生發現，中午時分前往晴朗商場購物均見2樓街市多間食肆大排筵席，擺放多張餐桌在行人通道上，阻礙途人通過，更擔心滾湯會灼傷途經小孩，「平日好多老人家會帶埋個孫落嚟買餸，家長都會帶埋啲小朋友落去，啲侍應拎住啲麵行嚟行去，淥親人就大件事！」李要求房署就食肆阻街問題嚴厲執法，擔心長此下去食肆會更有恃無恐「愈霸愈犀利」。

記者於午市時段到場視察，發現食肆靠近街市入口，一入內已發現食肆餐桌霸佔半條行人通道，當中包括小食店、麵店，部分當日未有營業的食肆都有餐桌放置閘外，令通道空間被大大收窄。直至「旺市」過後，店家才收起部分餐桌，行人通道才稍為回復暢通。

房屋署發言人指出，晴朗商場「晴朗冷氣街市」是以整體承租方式租予承辦商經營，負責管理街市日常清潔、保安等事務，再由承辦商以「暫准證」形式與「暫准證持有人」訂立合約，包括規定檔位需在檔位範圍內經營及擺賣。就街市有熟食檔於中午時分在檔位範圍外擺放枱椅一事，發言人證實確有此事，已敦促承辦商從速糾正有關違規行為，並會將承辦商表現反映在每月評核報告中，作為續約與否的考慮因素。

九龍城區居民聯會啟晴邨總幹事梁婉婷指出，上述街市並非由房署直轄管理，乃是由外判形式將整個街市出租予承辦商，由於租約數年才更新一次，難收阻嚇效用，「除咗食肆，其實有啲臨時檔戶都擺到好出、好阻人，但合約一簽就幾年，期間又唔會扣分、罰款，真係冇咩阻嚇作用！」梁建議房屋署引入扣分制，收緊對承辦商的監管，以改善街市阻塞情況。

http://hk.on.cc/hk/bkn/cnt/news/20150821/bkn-20150821201233758-0821_00822_001.html

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

墨魚太太

真是名人邨

soying

就咁睇照片，我又唔覺得妨礙通道妨礙得過份

AALUK

房署毒鉛水傷害小孩都仍沒有問責,街市犯規事件更是濕濕碎,中午經過時的確是感覺有點擁擠,吾知算吾算阻塞走火通道或非法霸佔,還有衛生問題,燒臘熟食檔的師傅收錢後再切肉從不洗手,因這衛生原因我從來不敢去光顧,現一切等待有災情才會重視.

xmas

就咁睇照片，我又唔覺得妨礙通道妨礙得過份
soying 發表於 2015-08-21 22:55:03 原文

你去親身體驗吓

總之違規就唔啱

alicetcm

patkitli

回應 #4 AALUK

之前未加價有時去街市買燒味飯 , 加價後轉左去酒樓買

kkdannyleung

算啦大家都係搵食遮，午飯人多生意好嘛！

德

我覺得啲菜檔離泡啲，而家根本就係鬥出，尤其豆腐隔離嗰兩檔

wcmcw

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡