maymay88

除了夜晚封鎖廣場外，應在當眼處設一個間亭，有管理員看守，咁樣起碼俾村外人一種感覺，

呢度唔係無掩雞籠，又可給夜歸的村民一種安心

敏carman

廣場是公眾地方

封場好似有點兒不好

除非果度是私家地方

阿mi

係私家地方定係公眾地方...
著眼點不是這樣的...我們亦不要被這類形容詞誤導, 兩者的介別只是法定擁有權而已...
至於我地村情況, 大可以九龍公園運作引作參考, 因為政府就是要維護普羅大眾的利益, 所以九龍公園是以大規模方式去維持公園...如開放時間便是一個活生生的好例子...現在, 我們正好引進一個恰當的開放時段, 要達成排除村民所憂之目標為大前提, 時段式開放, 相信那會是更好的處理方法吧

當然, 如有更好的方案亦不妨採用

一個唔安全o既私家地方, 即使您有使用權, 相信閣下亦未必去使用, 對不對

亦簡單講, 今天, 有朋友約我到廣場小作洽談, 為己為人, 免被央害, 只好找別的地方, 那廣場對我開放了亦沒用, 對不對

((( 若有人問道, 廣場是公眾定私人地方, 今天我只會想到的...那是一個極不安全的地方! )))

maymay88

係私家地方定係公眾地方...
著眼點不是這樣的...我們亦不要被這類形容詞誤導, 兩者的介別只是法定擁有權而...
阿mi 發表於 2010-11-6 01:37

十分讚同，非常時期用非常政策，目的都是避免更壞的情況繼續發生，就算是公眾地方，試問零晨時份都唔返屋企，

係度聚集，果 d 係咩人？我地是否要顧及呢班人的利益，何況呢條村的設施，我地一般居民都唔會半夜三更落去享用，

就算有需要，都唔敢同果班人坐埋一齊，點知幾時會沖班人黎斬人，而家唔係我地己人憂天，而係事實真係發生左，

咁村內的設施，連村民都唔敢用，唔通是為壞份子作聚腳之地而設？

重有呢條村好多小朋友，如果俾呢班人係度日漸坐大，對佢地成長有咩影響？

ZzzLAZYzzZ

係私家地方定係公眾地方...
著眼點不是這樣的...我們亦不要被這類形容詞誤導, 兩者的介別只是法定擁有權而...
阿mi 發表於 6/11/2010 01:37

無錯, 好多公眾使用的公園, 都有特定開放時間, 過左鐘都關閉ga啦

唔關公定私ge問題

如果管理處或有關方面, 夜晚費事搵人手睇住廣場的話, 咁都冇問題, 關左佢都係可行的

carrie

又有一班人飲酒嘈天光, 要警察趕夠境幾時先冇人嘈, 唔通要寫信去蘋果日報?

張姚彬

回應 66# ZzzLAZYzzZ


    我唔系甘噶意思，我地會去同房署跟進放狗情況，我都係希望居民同我地一齊同心協力，達到監督的最佳效果！

maymay88

尋晚又見成大班人，係廣場度打邊爐，好有郊野公園 feel , 一袋二袋食物擺哂係度，大堆啤酒樽，成 10 幾人好似開 party 咁，

其實如果咁樣都無人理的話，咁我地大家係度 BBQ都得啦，都係自已有爐就得，再唔係，過時過節，係美心買個盆菜，約哂成班人係廣場食，唔駛係屋企食咁迫，最好就係食完拍下欏柚就走，唔駛收拾清潔，幾好喎~

如果情況無變的話，麻煩陳議員出工作報告時，提及己爭取到非居民和居民，夜晚可以係廣場開 party , 可以唱歌、跳舞、放狗、BBQ、打邊爐、飲酒吹水、外賣晚飯聚會、不良少年和黑社會啪丸食煙聚腳地、黑社會與居民打成一片、夜夜笙歌至天光，簡直好似大笪地咁，百花齊放，話唔定做埋公屋景點，聲名大噪~

有無人見過其它公屋既村民，可以係樓下打邊爐咁離譜？其實我覺得，最離譜莫過於係無人理~

carrie

一於叫埋D記者影吓相，上下無線星期一擋案，大家過吓明星引都好，記得叫埋D議員參加大家一齊開心吓！時間係每日晚上11:00時至早上6:30，唔好咗住返工,大家話好唔好？

阿mi

由我地post左到依家, 我覺得都沒有實質野做過, 不如大家真係一人一封去tvb同蘋果日報, 亦一同去信房署總部啦, 好似會快d囉~

下次投票都應該要重新諗選邊過~